Mako 11:33 - Amazwi Yakwe Leza 2013

³³ Acino yaasuka Yesu yati, “Tutamanyile.” Yesu ayanena ati, “Nani kwene ntakumunena uwampela maka akucita vintu vii.”

Mako 11:33 Referans Kwoze

2 Kolinto 3:15

Ni lelo kwene lino Masunde yakwe Mose yakawelengwa, yakampingu ya ina Izlaeli yakavimbwa

Loma 1:28

Mulandu uno antu yakana kusunga mano ya cumi apali Leza mu myenzo yao, Leza wayafutatila kuti yalondela melenganyo yao a ukakasi na kuti yacita vintu vino vitaine kucita.

Yoane 9:27

Nawe ayanena ati, “Nati munena, nga namwe mutuvwile. Uzye pacani mukulonda kuvwa nupya pali cii? Uzye namwe kwene mukasi kuya alondezi yakwe?”

Yoane 3:10

Yesu amunena ati, “Wewe kasambilizya mukalamba uwa ina Izlaeli, uzye utamanyile vintu vii?

Mateo 21:27

Acino yaasuka Yesu yati, “Tutamanyile.” Lyene Yesu nawe ayanena ati, “Nani kwene ntakumunena uwampela maka akucita vintu vii.

Mateo 16:4

Antu amu mukulo uu nupya aipe asi na utailo yakalonda cilangililo ca cinjelengwe! Lelo kusi cilangililo icilapelwa kunoyali, suka sile cilangililo cakwe kasema Yona.” Lyene Yesu apita, ayasya.

Mateo 15:14

Lekini yaye. Yene intunguluzi mpafu. Impafu ndi yatungulula impafu yuze, ale zyoili kwene zingaponela mu ciwina.”

Ezaya 56:10

Wayamanga ala akuti, “Intunguluzi zyonsi izyaya nu mulimo wa kusoka antu yane zyene impafu zitupu. Zitamanya nanti cimwi, zyakolana sile wakwe yasimbwa yano yasiwata, yano yikalila sile ukulala utulo nu kulota iviloto. Pasi pakutemwa ukuinyunza pano yalambalile.

Ezaya 1:3

Ing'ombe zyamanya uwaziteeka, ni mfwalasi zyamanya umulangu muno umutesi waziko akazilisizya. Lelo aina Izlaeli yene yatamanya, antu yane yasitezya nanti kamwi awe.”

Yobo 5:13

Wene akavulunganya amapange ya antu yamano, nu kulemenkezya incenjezi mu ucenjezi wao.

Oseya 4:6

Antu yane yakononeka pamulandu wakuntamanya nene. Mwe yasimapepo mwakana ukusambilila vyapali nene, acino nani kwene ndakana ana inu yataya yasimapepo.

Mako 11:32

Nupya tutangati, ‘Wafumizye ku antu!’” (Yoofile antu pamulandu wakuti yonsi yasininkizya vino Yoane wali akasema.)

Mako 12:1

Lyene Yesu avwanga kunoyali mu milumbe ati, “Kwali umuntu uwalimile icalo ca matingi apindila ni cimpinda. Lyene aimbamo ni ciwina cakufenelamo matingi, nga akuula nu lupungu. Alino apanzisya icalo cakwe ku alimi nga apita ku mpanga ya kutali.