Mako 11:23 - Amazwi Yakwe Leza 2013

²³ Cumi namunena nati wino wensi anganena umwamba ati katuka uisumbe muli yemba ndi asyakutwisika mu mwenzo wakwe, lelo wataila ukuti cino watalanda cilacitika, cii cilacitwa ndi muno avwangile.

Mako 11:23 Referans Kwoze

Mateo 17:20

Alino nawe aasuka ati, “Apamulandu wakuti mukweti utailo unono.” Cumi namunena vino, “Ndi mukweti utailo nanti unono wa lumbezu lwakwe musunta, munganena umwamba uu muti, ‘Sungutila’ nga nao ulasungutila. Kusi cimwi cino mungaposiwa kucita.” [

Yoane 15:7

Ndi mwikala munondi nga na mazwi yane ikala munomuli, lyene mulalenga consi cino mukulonda nga naco cilapelwa kunomuli.

Mateo 21:21

Yesu nawe aasuka ati, “Cumi namunena vino ndi mukweti utailo, ndi musyakutwisika, mulacita na cino nati ncita ku musamvu. Mulanena nu mwamba kwene uu, muti, ‘Katuka uisumbe muli yemba,’ nga cilacitika vivyo kwene.

Masamu 37:4

Walonda ukuzangila muli Yawe, nga nawe alakupeela ivikalonda umwenzo wako.

Yoane 14:13

Na consi cino mulalenga mwi zina lyane, acino ndacita, kuti Tata alumbanyiwe mu Mwana.

Luka 17:6

Mwene nawe ayanena ati, “Ndi mukweti utailo ukulu wa lumbezu lwakwe musunta, munganena umusamvu uu, muti, ‘Itukule wemwisikulu kumwi ni misisi, ukaileme muli yemba,’ nao ungamuyela.”

1 Kolinto 13:2

Ningakwata uwila wa kusema, ningakwata kumanya konsi nga nu kumanyikisya nkama zyonsi. Ningakwata utailo ukulu ukalondekwa pakuti nsezye myamba. Lelo ndi ntakweti kutemwa, ale pasi vino indi.

Mateo 14:13

Lino Yesu uvwa icaticicitika, apaatuka apita mu wato, aya ku cifulo cili cele. Lino maumba yuvwa ukuti watapita, yafuma mu misumba yapita ni ngazo, yamulondela.