Mako 11:22 - Amazwi Yakwe Leza 2013

²² Yesu nawe ati, “Muye nu utailo muli Leza.

Mako 11:22 Referans Kwoze

Masamu 62:8

Mwe antu yane, lyonsi sile mwataila muli Leza! Mwamutula amacuzi inu lyonsi, pano ali muno tukapusukilamo.

Yoane 14:1

Yesu anena alondezi yakwe ati, “Mutaleka myenzo inu yaaziwa. Tailini Leza, mutaile nani kwene.

Mako 9:23

Yesu nawe aasuka ati, “Pacani wati ndi cingacitika? Icintu consi icangupale ku muntu wino ali nu utailo.”

Ezaya 7:9

Impanga yakwe Efulemu yaluta Samaliya, nga Samaliya atalusile umwene Peka. Ndi mutakomile mu utailo winu, cumi mutalazizimizya.’”

2 Milandu 20:20

Lyene antu kwene yayo iyazyuka katondotondo nu kulungama ku mutengo wakwe Tekoa. Lino yakufuma, Yeosafati aimilila pa mulyango ati, “Tuini tuvwe swe antu aku Yuda na swensi swe ikazi amu Yelusalemu. Tailini Yawe Leza winu, nupya musipe. Tailini yakasema yakwe alino muli nu kucimvya.”

Tito 1:1

Kalata kufuma kuli ne Paulo, muomvi wakwe Leza nupya mutumwa wakwe Yesu Klistu. Nasolwilwe nu kutumwa ku kwazwa antu yakwe Leza asololwe kuti njatungulule ku utailo, yamanye cumi cingayalanga vino yangatumikila Leza.

Kolose 2:12

Pano lino mwawatiziwe, mwazisilwe pamwi na Klistu, nga nu mu luwatizyo mwazyukwike pamwi na Klistu pamulandu wakutaila mu maka yakwe Leza, wino uwalenzile kuti Klistu azyukuke kufuma ku afwe.

Mateo 17:20

Alino nawe aasuka ati, “Apamulandu wakuti mukweti utailo unono.” Cumi namunena vino, “Ndi mukweti utailo nanti unono wa lumbezu lwakwe musunta, munganena umwamba uu muti, ‘Sungutila’ nga nao ulasungutila. Kusi cimwi cino mungaposiwa kucita.” [

Mateo 21:21

Yesu nawe aasuka ati, “Cumi namunena vino ndi mukweti utailo, ndi musyakutwisika, mulacita na cino nati ncita ku musamvu. Mulanena nu mwamba kwene uu, muti, ‘Katuka uisumbe muli yemba,’ nga cilacitika vivyo kwene.

Mateo 14:29

Alino Petulo afuma mu wato, apita pa manzi, alungama kuli Yesu.