Mako 11:13 - Amazwi Yakwe Leza 2013

¹³ Lyene lino walola musamvu ulembe katalamukila, nga ayako kuti akalole ndi angazanako masamvu. Lelo lino wafikapo, atazanyileko vizao suka sile amafwa yatupu, pano itali nsita ya kuseeka kwa masamvu.

Mako 11:13 Referans Kwoze

Mateo 21:19

Lyene lino walola musamvu uwali umu mbali ya museo, ayako, lelo atazanyileko vizao, suka sile mafwa. Alino aunena ati, “Kufuma ndakai utakaseeke vizao nupya.” Lilyo kwene musamvu uma.

Ezaya 5:7

Aina Izlaeli ali calo ca matingi cakwe Yawe Wamaka yonsi, nga Ayuda nayo ali matingi kwene yano wene walima. Wene walolelanga kuti alole ndi cakuti yamacita ivilungame. Lelo yene yatandika ukukomola antu! Walolelanga kuti alole kuno yamacita ivilungame. Lelo wene uvwanga sile impoma zya antu yauze yano yafyengelekezyanga!

Luka 10:31

Kwaula kwenekela simapepo umwi apita mu museo kwene ulya. Lelo lino walola umuntu, amupambata.

1 Samueli 6:9

Lelo musumbeko amano nu kulola. Ndi cakuti icikocikala cici calungama ku musumba wa Beti Syemesyi, ale lyene Yawe watatuponyezya uzanzo uu ukulu. Lelo ndi cakuti citalungime kweneko, ale lyene tumamanya ukuti asi aliwe uwatuponyesizye uzanzo. Lelo cali sile wa mankomenkanya.”

Luti 2:3

Acino Luti apita aya asotolezya monsi muno yatiyasinza mpiti. Lyene cizile icicitika wakwe vii, Luti aizana akusotolezya mu calo cakwe Boazi, uwamu luko lwakwe Elimeleki.

Ezaya 5:2

Watipozile umusili, afumya mwenemo amawe nga alemamo na matingi asuma wakwe cimwi. Alino akuulilila ni cimpinda, nga alino afukula nu mwakufenelamo amatingi. Alino atandika nu kulolela apakuti iviseekwa vikace. Lelo iviseekwa navyo viza vyaya sile ivikantuke.

Mako 11:12

Uca katondo, lino yafumanga ku Betaniya, Yesu auvwa inzala.

Mako 11:14

Yesu atipwila musamvu ati, “Kusi umuntu alalyako vizao kufuma kunuli nupya!” Na alondezi yakwe yala yakuuvwa.