Mako 10:47 - Amazwi Yakwe Leza 2013

⁴⁷ Lino uuvwa ukuti a Yesu uwaku Nazaleti, atandika kulaizya ati, “Yesu! Mwana wakwe Davidi! Uye na mizu kunondi!”

Mako 10:47 Referans Kwoze

Mako 1:24

“Uzye ukulonda cani kunotuli we Yesu uwaku Nazaleti? Uzye wiza kuno kuti utonone? Nati nkumanya, wewe Wamuzilo nupya wafuma kuli Leza.”

Umbwilo 22:16

“Ne Yesu natuma mungeli wane kuti alanda vintu vii kunomuli mu mauvi. Nene uwamu mupanda wakwe Davidi. Nene namukokolo.”

Mateo 9:27

Lino Yesu wafumanga kuku, impafu ziili zimulondela zilaizya ziti, “We Mwana wakwe Davidi, ya na mizu kunotuli!”

Yoane 7:52

Nao yamunena yati, “Endi, uzye nawe kwene wewe uwamu Galile? Ulonde mu malembelo ndi umazana pano calembwa vino ku Galile kulafuma kasema.” [Umu mpapulo izyalemvilwe ku katalili kumwi ni mpapulo zyuze izya umboni zino tungasintililamo mutaya Yoane 7:53-8:11.]

Mateo 26:71

Alino afumapo aya ku mulyango, nga lino umukazyana muomvi namuze wamulola, anena yano aimi pipi ati, “Muntu wii, nawe kwene wali na Yesu uwaku Nazaleti.”

Mateo 15:22

Lyene umwanaci umwina Kenani uwikalanga pipi nu ku cifulo cii aiiza alaizya ati, “Mwene, we mwana wakwe Davidi, ya na mizu kunondi! Mwanane kaci akacuziwa cuze nu mupasi wankota.”

Milimo 6:14

Tuvwile akuti Yesu uwaku Nazaleti alomoola Ng'anda ikulu yakwe Leza nu kusenula intambi zitu zyonsi izyafumile kuli Mose!”

Yoane 19:19

Pilato walemvile cimanyisyo nu kucipampamila pa lupanda. Palemvilwepo ukuti “Yesu uwaku Nazaleti, Mwene wa Ayuda.”

Yoane 7:41

Yauze nao yavwanga yati, “Ali Katuula uwalavilwe!” Lelo yamwi yati, “Uzye Katuula uwalavilwe wino tukalolela alafuma mu Galile?

Yoane 1:46

Natanaeli amuuzya ati, “Uzye mu Nazaleti mungafuma cimwi campomvu?” Filipo amunena ati, “Ndukailolele.”

Luka 4:16

Lyene Yesu waile ku Nazaleti kuno wakulile. Pa Sabata, aingila mu ng'anda ya mapepo, umwaelile mwata wakwe, nga aimilila kuti awelenge.

Mateo 21:11

Antu amwi umba yaasuka yati, “Wi ali kasema, Yesu uwaku Nazaleti, ku Galile.”

Mateo 21:9

Antu ali nkolelo nga na alondile cisila yonsi pamwi yasanzula mazwi yao yati, “Mucinzi upelwe ku Mwana wakwe Davidi! Walongo awiyo akwiza mwi zina lya Mwene! Mucinzi upelwe kuli Leza uwa papelapela!”

Mateo 20:30

Mpafu ziili zyatenzi pa mbali ya museo, nga lino zyuvwa vino Yesu akupita penepo zisanzula mazwi ziti, “Mwene! We Mwana wakwe Davidi! Uye na mizu kunotuli!”

Mateo 12:23

Alino antu yonsi yazunguka yati, “Uzye wii angaya Mwana wakwe Davidi?”

Mateo 2:23

Alino aya ikala mu musumba wa Nazaleti, kuti cifikiliziwe cino Leza wavwanzile kupitila muli yakasema, ati, “Alaamwa mwikazi uwamu Nazaleti.”

Mateo 1:1

Kuu kuli kulondolola kwa mupanda wa vikolwe vyakwe Yesu Klistu, mwana wakwe Davidi, mwana wakwe Abulaamu.

Ezaya 11:1

Ululembelya lulatumba apa cisiki cakwe Yese, na pamisisi yakwe palamela umusambo.