Mako 10:22 - Amazwi Yakwe Leza 2013

²² Lino umuntu uvwa cii, aya nu ulanda nga apita akungumile, pano wali u mukama cuze.

Mako 10:22 Referans Kwoze

Luka 12:15

Lyene watwalilile kuvwanga kuli onsi ati, “Mucenjele nu kuicingilila ku lwiswa lonsi. Pano umi wa muntu utaya mu wingi wa vintu vino wakwata, usi mulandu nanti angaya ni vyuma vingi.”

2 Timoti 4:10

Demasi wene watemwa ivyamu nsi nupya wamfutatila, waya ku Tesalonika. Klesensi wene wapita ku Galatiya, Tito nawe ku Dalamatiya.

Efeso 5:5

Pano mulinzile kusininkizya ukuti antu akacita vii yatalaya amu Wene wakwe Klistu na Leza.

Ezekelo 33:31

Antu yane yakaiza kunuli iumba likalamba, yiza yikala pa nkolelo yako apa kuvwa amazwi yako, lelo yakana ukuyalondela. Mu tunwa twao mwazula intumpu, nu mu myenzo yao mwaya ulwiswa lwa vyuma vino yakalonkela uku ukakasi.

2 Kolinto 7:10

Pano ulanda uno Leza akaomvya wene ukuleta ukuzenzuka kuno kukatungulula ku ufyusi. Caleka mutalinzile kuvwa ulanda pali cii. Pano kuvwa ulanda wakwe vino amu nsi yakacita kwene kukaleta imfwa.

Luka 18:23

Lelo lino umuntu uvwa cii, aya nu ulanda ukulu, pano wali umukama cuze.

Mateo 19:22

Lino mulumendo uvwa cii, aya nu ulanda nga apita akungumile, pano wali umukama cuze.

Mateo 13:22

Imbezu izyaponile mu myunga, ayao akauvwa mazwi yakwe Leza. Lelo masakamiko ya wikazi uwamu nsi ii, kusombwa nu ukama, vikaingila nu kutotola mazwi, alino yasyaseeka vizao.

Mako 6:26

Cii, calenzile mwene kuya nu ulanda cuze. Lelo pamulandu wa milapo yakwe ino wacisile pa manso yakwe yao amilwe ku cimulo, atakanyile kumupeela cino walenzile.

Mateo 27:3

Lyene lino Yuda, wino uwamukoofile walola vino yavunuka Yesu kuti afwe, auvwa ulanda cuze pali vino watacita, nga awezezya yasimapepo akalamba na aikolo impiya makumi yatatu zyakwe siluva.

Mako 6:20

oopanga Yoane pano wamanyile vino Yoane wacitanga ivyawololoke nupya wali uwamuzilo. Caleka amucingilila. Watemwanga kuvwa kunoli, nanti angala vino walandanga vyamuzungulanga.

Mako 10:21

Yesu amulolekesya, amutemwa, nga amunena ati, “Kwasyala cintu conga cino uulizya. Yanga kakazye vyonsi vino wakwata ukapeele ni mpiya zino ulazana ku apina. Lyene ulaya ni vyuma mwiyulu, nga wize undondele.”

Mako 10:23

Yesu acelecensya manso nga anena alondezi yakwe ati, “Catalila akama kwingila mu Wene wakwe Leza!”