Mako 1:39 - Amazwi Yakwe Leza 2013

³⁹ Lyene apita monsi mu mpanga ya Galile ala akukosola mu mang'anda ya mapepo nu kufumya mipasi yankota.

Mako 1:39 Referans Kwoze

Mateo 4:23

Lyene Yesu apitana mu Galile monsi, ala akusambilizya mu mang'anda ya mapepo nu kukosola Ilandwe Lisuma lya Wene nga nu kupozya alwile ndwala zya misango yonsi.

Mako 1:21

Yesu na alondezi yakwe iiza ku musumba wa Kapenaumu, na pa Sabata lyalondelilepo Yesu aya mu ng'anda ya mapepo atandika kusambilizya.

Luka 4:41

Mipasi yankota ifuma mu antu aingi, ala ikulaizya ikuti, “Wewe Mwana wakwe Leza!” Yesu akalipila mipasi yankota nupya ataizumilizye kuti ivwange, pano yamanyile vino wali Katuula uwalavilwe.

Mako 7:30

Lyene apita ku ng'anda aya azana mwana aizi pa musanzi, nu mu cumi mupasi wankota ala wati ufumamo.

Mateo 9:35

Lyene Yesu apitana mu misumba nu mu mizi yonsi kwene, ino yali pipi na yemba uwaku Galile. Wene asambilizya mu mang'anda ya mapepo nu kukosola Ilandwe Lisuma lya Wene wakwe Leza, nu kupozya indwala zya misango yonsi, ni ndema.

Mako 1:23

Mu ng'anda ya mapepo mwingila umuntu uwali nu mupasi wankota alaizya ati,

Mako 1:38

Lelo Yesu ayanena ati, “Lekini tuye ku mizi yuze iili pipi na kuno, kuti nako kwene nkakosoleko, pano acino niziile.”

Mako 3:1

Nupya Yesu waswilile mu ng'anda ya mapepo, umwali umuntu uwali ni cizanza cilemale.

Mako 6:6

Wene azunguka cuze, pano antu yatakweti utailo munoli. Alino aya mu mizi yazingulwike ala akusambilizya antu.