Mako 1:27 - Amazwi Yakwe Leza 2013

²⁷ Antu yonsi yazunguka cuze, yuzyanya yati, “Uzye icani cii? Uzye uu umusango uze upya uwakusambilizizyamo na maka? Muntu wi ali na maka akupeela ilamulo ku mipasi yankota, nayo imuyela!”

Mako 1:27 Referans Kwoze

Luka 9:1

Yesu aama alondezi ikumi na yaili pali pamwi, nga ayapeela maka akufumya mipasi yankota yonsi nu kupozya indwala.

Mako 7:37

Na yonsi acuvwile yazunguka cuze yati, “Akucita vintu vyonsi ningo! Akulenga yacipuuli yauvwa na yaciulu yavwanga!”

Mateo 15:31

Caleka antu yonsi yazunguka lino yalola vino yaciulu yakuvwanga, vilema vyapoziwa, vite navyo vikupita, nga na vino impafu zyatandika kulola. Alino yalumbanya Leza wa Izlaeli.

Mateo 9:33

Lyene lino Yesu wafumya mupasi wankota, umuntu atandika kuvwanga. Iumba nalyo lizunguka cuze, liti, “Cintu ca musango uu citatala caloleka mu Izlaeli.”

Luka 4:36

Antu yonsi yazunguka cuze yuzyanya yati, “Uzye icani cii? Uzye uu umusango uze upya uwakusambilizizyamo na maka? Muntu wii ali na maka akupeela ilamulo ku mipasi yankota nga nayo ifuma!”

Mako 10:32

Lino yacili pa lwendo lwa kuya ku Yelusalemu, Yesu wali pa nkolelo ya alondezi, yano apeziwe mano. Antu amulondile yuvwa intete. Nupya kwene Yesu asenda alondezi yakwe ikumi na yaili pa mbali atandika kuyanena vintu vino vili nu kumucitikila.

Mako 10:24

Alondezi yazunguka pa mazwi yakwe, lelo Yesu avwanga nupya ati, “Yana mwe, catala kwingila mu Wene wakwe Leza!

Mateo 8:9

Pano nani kwene, nene muntu uwalasikwa na maka ku uteko pi sika lya ntunguluzi zikulu. Nani kwene nakwata asilika yano nkaangalila. Ndi nanena wenga nati, ‘Pita!’ Nawe apita, nu ku muze inti, ‘Iza!’ Nawe aiiza, nupya ndi nanena muzya wane nati, ‘Cita cii!’ Nawe acita.”

Mako 1:26

Mupasi wankota utensya umuntu na maka, nu kulaizya kukulu, ufuma munoli.

Mako 1:28

Lyene lilyo kwene impwelo ya pali Yesu isalangana konsi mu muputule wa mpanga ya Galile.

Mako 16:5

Lino iingila mwi lindi, yalola umulumendo ala atenzi kwi kasa lilunji, azwite mwingila utiswe, nga yuvwa intete.

Mako 16:6

Nawe ayanena ati, “Mutaya ni ntete.” Manyile vino mukulonda Yesu uwaku Nazaleti, wino watanyilwe pa lupanda. Asimo muno, watazyukuka! Lolini pano yamwisile aepa.

Milimo 17:19

Caleka yasenda Paulo yamutwala kwi tengo lyakulanzyanya ilya Aleopago, yamunena yati, “Tungatemwa kumanya pali vino ukusambilizya pano vikuvwika ivipya kunotuli.