Mako 1:20 - Amazwi Yakwe Leza 2013

²⁰ Lilyo kwene ayaama, iyasya isi wao Zebedi na aomvi yakwe mu wato, yamulondela.

Mako 1:20 Referans Kwoze

Luka 14:26

“Wensi angiza kunondi atangaya mulondezi wane suka ndi wantemwa kuluta vino watemwa isi na nyina, nu muci na ana yakwe, aina aonsi, na yakaci yakwe, na vino watemwa umi wakwe kwene.

Mako 10:29

Yesu nawe ayanena ati, “Ee, cumi namunena vino, kusi nanti umuntu wenga uwasya ing'anda yakwe, aina aonsi, yakaci yakwe, nyina, isi, ana nanti vyalo pamulandu wane nu wi Landwe Lisuma,

Mateo 10:37

Wino wensi uwatemwa isi na nyina kuluta nene wene ataine kuya mulondezi wane. Na wino wensi uwatemwa umwana umonsi nanti kaci kuluta nene, wene ataine kuya mulondezi wane.

2 Kolinto 5:16

Caleka ndakai tusyapingula antu kulingana na vino yakaloleka. Nanti angala pa nsita imwi twatazile tupingula Klistu kulingana na vino muntu akaloleka, lelo ndakai tusyacita vivyo.

1 Yamwene 19:20

Elisya nawe ali pakusya yamasaye yakwe alondela Eliya. Asimula amupunda amunena ati, “Leka tale inje nkapakasye tata na mayo, alino nize nkulondele.” Eliya nawe amunena ati, “Ee, pitanga cili sile ningo, ntange nkulesye!”

Malango 33:9

Yene yalanzile ucumi wao kunuli Ukuluta vino yalanzile ku akwasi, nu ku ina yao, nanti nu ku ana yao. Yene yayezile amalamulo yako Nupya yali acumi ku upangano wako.

Mako 1:19

Lyene Yesu aya inkolelo panono, alola Yakobo na Yoane, ana yakwe Zebedi yali mu wato yakulimba amasumbo yao.

Mako 1:21

Yesu na alondezi yakwe iiza ku musumba wa Kapenaumu, na pa Sabata lyalondelilepo Yesu aya mu ng'anda ya mapepo atandika kusambilizya.

Luka 5:11

Lyene yakulila mato ku cituntu, yasya vyonsi, yamulondela.