Luti 4:15 - Amazwi Yakwe Leza 2013

¹⁵ Mwana wii alakupeela upemwilo mu umi wako nu kukusunga mu ukoloci wako. Pasi pano nyokovyala, wino wakutemwa cuze, nupya wino watacita kunuli ivilusile ivicitwa vya ana cinimbali aonsi, uwatamuvyala.”

Luti 4:15 Referans Kwoze

Masamu 55:22

Uwatuula masakamiko yako kuli Yawe, nawe amakuwakanga. Wene asitazyela umuntu musuma ukuti yamutonsye foo.

Ezaya 46:4

Nene indi Leza winu nupya namamusunganga, mpaka lino mulakota mukwate ni mvwi. Nene namuumba, nupya nkamusunga. Nene namamwazwanga nu kumutuula.

Utandiko 45:11

Ndi mwikala ku Gosyeni ndamusunga. Kuliza imyaka nayuze isano ya cipowe. Ntakulonda wewe na amu ng'anda yako nga ni viteekwa vinu mukafwe ni nzala.’ ”

Mapinda 18:24

Yacuza yamwi yakatutwala ukwilovyo. Lelo yacuza yamwi yaluta nu kulemana kwa lupwa.

1 Samueli 1:8

Alino Elikana iya wakwe amuuzya ati, “Hana, uzye pacani cino ukulila? Uzye pacani cino wafwita ivyakulya? Uzye pacani cino wakungumalila vivyo? Uzye vino naya kunuli cisikusansamusya ukuluta na pa kukwata ana aonsi ikumi?”

Utandiko 47:12

Yosefu apeela ivyakulya kuli isi, ku ina yakwe, nu ku amu ng'anda yakwe isi kulingana ni mpendwa ya antu muli cila ng'anda.

Luti 4:16

Alino Naomi atoola umwana, amupalamika kunoli, alino amwika pa makulu nga amulela.

1 Samueli 2:5

Yao aikutanga ali yano yakupula ivyakulya, lelo yao ali ni nzala ndakai yakwikuta. Umwanaci uwali ng'umba ndakai akweti ana cinimbali, nu mwanaci uwakweti ana aonsi avule, ndakai atakweti nanti wenga.