Luti 2:7 - Amazwi Yakwe Leza 2013

⁷ Wataiza auzya ukuti angasotolezya umu nsaawa zino yakasinza yatiyasinza mpiti. Aizile katondotondo nga ukufuma lili kwene acili akuomba ukufika na likwene, suka sile ndakai lino akupuza panono mu mutanda.”

Luti 2:7 Referans Kwoze

Mapinda 22:29

Ndi cakuti wemo walola penepo umuntu umwi umu cincile umu milimo, wiyo kwene ali wino alinzile ukuombela yamwene, asi wakuombela antu asilesile foo.

Mapinda 18:23

Umulanda akalanda ivyakupapata, nga umukama nawe akaasuka ivyakuzazuka.

Mapinda 15:33

Ukoopa Yawe ali kusambilila vyamano. Ukuicefya ali kukolelela ukulola umucinzi.

Mapinda 13:4

Umuntu umukasu akakumbwa ivya yauze ukwaula ukuvilola, lelo umuntu akaombesya wene akalonka.

Efeso 5:21

Mwatontelana pamulandu wa kucindika Klistu.

Kasambilizya 9:10

Uwaombesya muli vyonsi vino ukucita, pano kuzimo kutalaya vicitwa, kutalaya amelenganyo, kutalaya kumanya, kutalaya amano, nga kuko akuno ukuya.

Galatiya 6:9

Acino mutatonta mu kwazwana. Pano ndi musikutonta, lyene muli nu kupelwa cilambu lino nsita ilafika.

Loma 12:11

Mwaombesya pa kutumikila Mwene. Mutaya akasu Mwatumikila Mwene nu muzonda.

Mateo 5:3

“Alongo antu yano mu myenzo yao yakailola vino yene apina. Pano Uwene wa mwiyulu uwakwao.

Luti 2:2

Alino Luti umwina Moabu anena Naomi ati, “Lekini nje umu vyalo inkasokote tumitwe twa ngano muno yatiyasinza, muli wiyo wensi amaya akanzumilizye.” Naomi nawe aasuka ati, “Ale pitanga, mwanane.”

Luti 2:6

Kapitao nawe aasuka ati, “Umukazyana wi umwina Moabu wino wiza na Naomi ukufuma ku Moabu.

Luti 2:8

Lyene Boazi anena Luti ati, “Uvwa kuno mwanane. Utaezya ukuya umu vyalo vyuze ku kusotolezya nupya ute kusotolezya. Lyene waomba pamwi na akazyana aomvi yane.

Luti 2:21

Lyene Luti umwina Moabu azumilizya nyinavyala ati, “Ee, nupya Boazi kwene waliwanena ukuti nasinza pamwi na aomvi yakwe mpaka lino yalamala ukuzombola ingano zyakwe.”