Luti 1:20 - Amazwi Yakwe Leza 2013

²⁰ Nawe ayanena ati, “Mutangama imuti Naomi. Lelo mwangama imuti Mala, pamulandu wakuti Leza Wamaka yonsi watalenga umi wane ukuya uwa ulanda wakwe cimwi.

Luti 1:20 Referans Kwoze

Yobo 6:4

Leza Wamaka yonsi aliwe wandasola inceto, alino nu usungu waziko wasatila umu mwili wane monsi pyu. Vyonsi vino Leza akaofezya antu vyati vinzinguluka.

Ayebulai 12:11

Lino tukasundwa cikaloleka kwati icintu cakutuletela ulanda, asi nsansa. Lelo pacisila, yao akasundwa mu musango ndi uwo yakaya nu umi uwa mutende nupya wakucita vyawololoke.

Ezaya 38:13

Napunzile uwaca nu wiila, ala lilyo nkufuteeka sile, wakwe cisama akupwazola amafupa. Natangi sile, apakuti ule uce ale Leza wamalilila.

Masamu 88:15

Ukutandikila uku wance wane, nemo pasi pakucuula, nkupita icipapala mfwa. Muno nkalukuzizimizya pamulandu nu uvunuko wako, ninsuka nintonta, lwatilusila.

Masamu 73:14

Iye mwe Leza, awewe ukaleka kuti nacula vii umusanya onsi, na cila katondo ukatala uncuzyapo!

Yobo 19:6

Lelo kwene mwikale mucimanyile ukuti, Leza aliwe sile wanjilikizya. Ali wino wampombelekezya umwi sumbo lyakwe.

Yobo 5:17

“Walongo umuntu wino Leza akakalipila. Acino we Yobo utasuula ukusunda kwakwe Leza Wamaka yonsi.

Yobo 11:7

“Uzye kwene we Yobo ungapikulula uwile wakwe Leza? Uzye kwene papo pano upezile wewe ungamanya ningo pano amano yakwe Leza Wamaka yonsi yapeela?

Kufuma 6:3

Nalolike kuli Abulaamu, kuli Isaki, na kuli Yakobo wakwe Leza Wamaka yonsi. Lelo ntalenzile kuti imanyike kunoyali mwi zina lyane lyamuzilo, Yawe.

Utandiko 43:14

Si Leza Wamaka yonsi angalenga umuntu wiyo akaye na mizu panomuli, pakuti akamuwezezye munyonko wino wasyala pamwi na Benjamini. Lyene nemo ndi ukufwilwa kwa ana, kaciye vivyo kwene usi mulandu.”

Utandiko 17:1

Lino Abulamu wali ni myaka amakumi fundimbali na fundimbali, Yawe aloleka kunoli nga amunena ati, “Nene Leza Wamaka yonsi. Uwanguvwila mu manda ya umi wako yonsi nu kucita vyawololoke pe.

Umbwilo 21:22

Lelo mu musumba ntawenimo Ng'anda ikulu yakwe Leza, pano Mwene Leza Wamaka yonsi nga nu Mwana wa Mfwele ali Ng'anda ikulu iyaya mwenemo.

Umbwilo 1:8

“Nene Alufa na Omega, kuli kuti, uwakutandika nupya uwakusyalikizya,” vii avino Mwene Leza wa maka yonsi walanda. Wene alipo, wino uwaliko, nupya wino aliiza.

Kufuma 15:23

Lino yafika pa cifulo ci zina lyakuti Mala iyazana amanzi, lelo ala alule cakuti muntu atangamwa. Acino yatemela cifulo cici yati, Mala.

Yobo 9:18

Asimpela na kasita akakuti impemwile, lyonsi sile umu umi wane akandundila ukucululuka.