Luka 8:50 - Amazwi Yakwe Leza 2013

⁵⁰ Lelo lino Yesu uvwa cii anena Yailo ati, “Utuvwa intete taila sile, wene amapola.”

Luka 8:50 Referans Kwoze

Yoane 11:40

Yesu amuuzya ati, “Uzye ntakunenyile vino ndi wataila umalola lulumbi lwakwe Leza?”

Yoane 11:25

Yesu ati, “Nene kuzyukuka nu umi. Wino wensi wantaila nanti angafwa alaya nu umi nupya.

Mako 5:36

Nawe Yesu atasumvile amano pali vino yalandanga, lelo anena Yailo ati, “Utuvwa intete, taila sile.”

Luka 8:48

Yesu amunena ati, “Kaciwe! Utailo wako wakupozya. Pita ulumi.”

Loma 4:17

ndi vino malembelo yakati, “Nakucita cikolwe ca antu amu nko zyonsi.” Ulayo uu wapilwe kuli Abulaamu pano wataile Leza, wino akapeela umi ku afwe nu kulenga kuti vintu vino vitaliko viyeko.

Mako 9:23

Yesu nawe aasuka ati, “Pacani wati ndi cingacitika? Icintu consi icangupale ku muntu wino ali nu utailo.”

Ezaya 50:10

Uzye aweni uwa munomuli akaoopa Yawe, nu kuyela amazwi ya muomvi wakwe? Wiyo wensi akapita umu mfinzi, wino atakweti uluswepo, kapaalile mwi izina lyakwe Yawe, nu kusintilila muli Leza wakwe.

Loma 4:20

Lelo pa kuvwa vino Leza wamulavile atali na kutentengana mu utailo wakwe, nanti kutwisika ulayo wakwe Leza. Utailo wakwe wamukomelizye nga alumbanya Leza.

Luka 8:51

Lino wafisile pa ng'anda, Yesu atazumilizye umuntu nanti umwi kwingila nawe mukasi suka sile Petulo, Yoane na Yakobo na isi wa mwana nga na nyina.