Luka 7:39 - Amazwi Yakwe Leza 2013

³⁹ Lino Mufaliseo uwamwamile walola cii, aivwanzya umwisikulu ati, “Ndu muntu wii akasema, wange amanye umwanaci wii akumukumya. Wange amanye nu musango wa umi wa ukakasi uno waya nao, pano wene wali a cizelele.”

Luka 7:39 Referans Kwoze

Luka 7:16

Onsi yuvwa intete, yalumbanya Leza yati, “Kasema mukulu wataloleka pakasi kitu! Leza wataiza ku kwazwa antu yakwe!”

Luka 15:2

Afaliseo na yakasambilizya ya Masunde yatandika kuilizyanya yati, “Umuntu wii akazengela yakaifya nu kulya nayo!”

Mako 7:21

Pano kufuma mukasi, mu mwenzo wa muntu, mukafuma amelenganyo yankota akamutungulula ku kucita ivya winyi, uwivi, kukoma,

Ezaya 65:5

Alino antu kwene yayo, ali yano yakanena auze yati, “Funtukini apipi naswe, pano sweswe yasangululwe.” Ali cino fwandi nemo ne Yawe tutange tuvwane na antu amusango uo. Icipyu cino nemo nayakwatila cikalunkuma wa moto uno utatala wazima.

Yoane 9:24

Afaliseo nupya yaama umuntu iila lyakwe ciili, wino uwali impafu, alino yamunena yati, “Lumbanya Leza! Twati tumanya vino umuntu wino watakupozya wene akaifya.”

Yoane 7:12

Mwi umba mwali ukutotozana cuze pamulandu na aliwe. Yamwi yati, “Wene umuntu musuma”, nga yauze nao yati, “Awe! Pano akupuulola antu.”

Yoane 4:19

Umwanaci amunena ati, “Musambazi, lyene namanya vino wewe kasema.

Luka 18:4

Pa nsita ntali kapingula wakananga kumuputwila mulandu. Lelo pacisila aivwanzya umwisikulu ati, ‘Nanti angala nsiopa Leza, nanti kucindika umuntu,

Luka 16:3

Kangalila nawe aivwanzya umwisikulu ati, ‘Mwene wane amanzinga pa ncito yane. Uzye namacita uli? Ntakoma ku kulima, nupya nakwata ni nsonyi zyakulenga.

Luka 7:37

Lolini mu musumba ulya mwali umwanaci uwali cizelele. Uvwile vino Yesu akulya mu ng'anda ya Mufaliseo. Caleka aleta musazi wa mafuta amununko usuma,

Luka 3:8

Mwaomba imilimo isuma yakulanga vino mwati muzenzuka. Nupya mutainena mu myenzo inu ukuti Abulaamu ali cikolwe cinu! Nkumunena vino Leza angasenula amawe yaa ukuya ana yakwe Abulaamu.

Mapinda 23:7

Limwi angakwama ati, “Iza kuno ndulye, nu kumwa kweneko.” Fwandi umu mwenzo wakwe ala muli kamwi akakumukolola.

2 Yamwene 5:20

Geazi, umuomvi wakwe Elisya umuntu wakwe Leza, asyala akwelenganya ati, “Mutaweni vino musambazi wane wapanya isyuko pali Namani, wakana kuti amulifye nanti kamwi akanono! Vino ngano waliwapokelela sile vya mawila vino umwina Asilya wilya walakumupeela. Nalapa mwi zina lyakwe Yawe waumi, ukuti nkamulondelele uleke nkatole nanti sile akantu kamwi.”

Luka 12:17

Lyene mukama atandika kuivwanzya mu mwenzo wakwe ati, ‘Ntakweti incende mwakusezya ivyakulya vyane. Uzye namacita uli?’

Mateo 20:16

“Caleka acisila yalaya ankolelo, na ankolelo yalaya acisila.”

Mateo 21:11

Antu amwi umba yaasuka yati, “Wi ali kasema, Yesu uwaku Nazaleti, ku Galile.”

Luka 7:38

aimilila kwi tundu ku mbali ya ngazo zyakwe Yesu, ala akulila, akuponyezya minsozi pa tuntunta twa ngazo zyakwe Yesu. Lyene akumbula ingazo zyakwe Yesu ni nyele zyakwe, azitonsola nga azipongolwela amafuta acinunu cisuma.

Luka 7:40

Yesu amunena ati, “Simoni, nkweti cimwi icakukunena.” Nawe amwaasuka ati, “Kasambilizya, nena tuvwe.”