Luka 7:26 - Amazwi Yakwe Leza 2013

²⁶ Lyene nenini, uzye mwaile kukulola cani? Uzye akasema? Endi, namunena mwaweni alusile kasema.

Luka 7:26 Referans Kwoze

Luka 20:6

Nupya tutangati, ‘Wafumizye ku antu,’ pano antu yaa yonsi yamatutama na mawe, pamulandu wakuti yasininkizya vino Yoane wali a kasema.”

Luka 1:76

Nawe mwana we, ulaamwa kasema wakwe Leza uwapapelapela, pano ulakolelela Mwene kuya muteyanyizizya museo wakwe.

Yoane 5:35

Yoane wakoline wa kuyengesa kwi lampi lino likwaka, nga namwe mutemwa kuzangila mu luswepo lwakwe pa nsita inono sile.

Luka 16:16

“Ivyalembwa mu mpapulo zyakwe Mose na zyakwe yakasema vyakosozilwe kufika mu manda yakwe Yoane Kawatizya. Kufuma papo kwene Ilandwe Lisuma lya Wene wakwe Leza likukosolwa, na wensi akwezya na maka kwingilamo.

Luka 7:25

Ndi cisi vivyo uzye mwaile kukulola cani? Uzye umuntu uwazwite insalu ziyembe? Awe! Antu akazwala wakwe vivyo ayao akazanwa mu masano.

Luka 7:27

Pano Yoane awino calembwa mu malembelo pali aliwe cati, ‘Leza wavwanzile ati, Ndatuma nkombe yane ikukolelele, kuti ikateyanye inzila yako.’