Luka 7:16 - Amazwi Yakwe Leza 2013

¹⁶ Onsi yuvwa intete, yalumbanya Leza yati, “Kasema mukulu wataloleka pakasi kitu! Leza wataiza ku kwazwa antu yakwe!”

Luka 7:16 Referans Kwoze

Luka 7:39

Lino Mufaliseo uwamwamile walola cii, aivwanzya umwisikulu ati, “Ndu muntu wii akasema, wange amanye umwanaci wii akumukumya. Wange amanye nu musango wa umi wa ukakasi uno waya nao, pano wene wali a cizelele.”

Mateo 9:8

Lelo lino maumba yacilola yuvwa intete, yalumbanya Leza, pa kupeela antu amaka ali ndi yaa.

Luka 1:68

“Lekini tulumbanye Mwene Leza wa Izlaeli, pano wataiza ku kutandalila nu kukulula antu yakwe.

Yelemiya 33:9

Alino kunondi Yelusalemu alaya izina lyaluzango, ilyalulumbi nu ucindami, umu mitundu yonsi iya pano nsi, lino yaluvwa isyuko lino ndayaletela. Nupya ilaopa nu kuzakaza, apamulandu wa usuma onsi ni cituku consi cino ndayapeela.’ ”

Luka 5:26

Lyene yonsi yazunguka cuze, nga lino yuvwa intete, yalumbanya Leza, yati, “Vintu vino twalola ilelo ivya kuzunguka.”

Luka 2:20

Yakacema nao yaswilila, ala yakutaizya nu kulumbanya Leza pali vyonsi vino yalanga yati yuvwa nu kulola. Cali ndi vino mungeli wayanenyile.

Luka 1:65

Auze yonsi yuvwa intete, ni landwe lya pa vintu vii lisalangana konsi ku misumba iyali ku myamba ya mpanga ya Yudeya.

Mateo 21:11

Antu amwi umba yaasuka yati, “Wi ali kasema, Yesu uwaku Nazaleti, ku Galile.”

Mateo 15:31

Caleka antu yonsi yazunguka lino yalola vino yaciulu yakuvwanga, vilema vyapoziwa, vite navyo vikupita, nga na vino impafu zyatandika kulola. Alino yalumbanya Leza wa Izlaeli.

Masamu 65:9

Pano nsi, awewe ukasunga impanga nu kuiletela imvula. Ukalenga ukuti iye ikankala nupya iya muvundo. Ukalenga inguzi zizule amanzi apakuti antu yakontelela imbezu zyao. Vyonsi vii, awewe ukateyanya.

Kufuma 4:31

Lino antu yalola vizungusyo vii iyataila. Nupya lino yuvwa ukuti Yawe wataiza kunoyali, nu kuti watalola vino yakuyasunga mu kukalala, iyafukama pansi yafupime, nga yapepa Yawe.

Galatiya 1:24

Caleka yene yatasyanga Leza pamulandu wane.

Milimo 5:5

Lilyo kwene lino Ananiya uvwa mazwi yaa, apona pansi, afwa. Lyene antu yonsi auvwile cii, yuvwa intete cuze.

Yoane 9:17

Caleka nupya kwene Afaliseo yuzya umuntu uwali mpafu yati, “Wemo wavwanga vino wali wakupozya ku upafu wako. Uzye lyene wemo ukuti uli pa muntu wii?” Nawe aasuka ati, “A kasema.”

Yoane 6:14

Caleka lino antu yalola cilangililo cino Yesu wacita yavwanga yati, “Cumi wii ali kasema wino malembelo yakati ali nu kwiza!”

Yoane 4:19

Umwanaci amunena ati, “Musambazi, lyene namanya vino wewe kasema.

Yoane 1:25

yuzya Yoane yati, “Uzye wemo ndi usi Katuula uwalavilwe, nanti Eliya, nanti kasema wino tukalolela, pacani ukawatizya?”

Yoane 1:21

Nao yamuzya yati, “Uzye lyene wewe weni? Uzye wewe Eliya?” Nawe aasuka ati, “Asi nene Eliya.” Nao yamuzya yati, “Uzye ale wewe kasema wino tukalolela?” Nawe aasuka ati, “Awe.”

Luka 24:19

Nawe amuuzya ati, “Uzye vintu ci?” Nao yaasuka yati, “Vintu vyacitikile Yesu uwaku Nazaleti. Uwali a Kasema wa maka mu vicitwa nu mu mazwi pa manso yakwe Leza nga na pa manso ya antu onsi.

Luka 9:19

Nao yaasuka yati, “Yamwi yakati wewe Yoane Kawatizya. Yamwi yakati wewe Eliya. Alino yamwi nao yakati wewe umwi wamuli yakasema yampiti uwatazyukuka kufuma ku afwe.”

Luka 8:37

Lyene antu yonsi amu mpanga izingulwike Gelasa yapapata Yesu kuti afume mu mpanga yao, pano yuvwile intete cuze. Caleka Yesu apatama mu wato afumako.

Luka 5:8

Lino Simoni walola cati cicitika, afukama pa ngazo zyakwe Yesu amunena ati, “Ntaluke, Mwene, pano nene mwipe.”

Mateo 28:8

Caleka anaci yakumpeka kufuma kwi lindi, ala yakuuvwa intete, mbali yali nu luzango cuze, yasimula kuti yakanene alondezi yakwe.

Milimo 7:37

Mose uwanenyile aina Izlaeli ati, ‘Leza alamutumila Kasema, wakwe vino wantuma, alaya uwa muli mwemwe kwene.’

Luka 19:44

Yalakuwisya pansi nu konona antu yano aikala mwenemo. Nupya yatalasya iwe pa lyuze, pano utilwike kasita kakwiza kwakwe Leza kuti akutuule.”

Malango 18:15

“Yawe Leza winu alamutumila kasema akoline nani ukufuma mu antu inu kwene, nga namwe mulinzile mwamuyela.

Luka 7:15

Nu mufwe akatuka atandika nu kuvwanga. Alino Yesu amupeela kuli nyina.