Luka 6:39 - Amazwi Yakwe Leza 2013

³⁹ Lyene Yesu ayanena mulumbe ati, “Uzye impafu ingatungulula impafu yuze? Uzye zyoili kwene zitangaponela mu ciwina?

Luka 6:39 Referans Kwoze

Mateo 15:14

Lekini yaye. Yene intunguluzi mpafu. Impafu ndi yatungulula impafu yuze, ale zyoili kwene zingaponela mu ciwina.”

2 Timoti 3:13

nga antu aipe, nupya asomvi yene yalipisya kuluta, yala yakusomba antu yauze nga na isikulu kwene.

Ezaya 56:10

Wayamanga ala akuti, “Intunguluzi zyonsi izyaya nu mulimo wa kusoka antu yane zyene impafu zitupu. Zitamanya nanti cimwi, zyakolana sile wakwe yasimbwa yano yasiwata, yano yikalila sile ukulala utulo nu kulota iviloto. Pasi pakutemwa ukuinyunza pano yalambalile.

Ezaya 9:16

Intunguluzi zya mwata ndi uo zyaponga, zyafuma umu nzila. Na yano yakatungulula nayo kwene yakuponziwa kumwi.

Mateo 23:33

“Mwe nzoka mwe! Mwe ana ya nzoka mwe! Uzye mulapusuka uli ku uvunuko uwamu Gehena?

Yelemiya 8:12

Insonyi zilinzile kuyalema apa vicitwa vyao iviipe, ivya lupato. Lelo camupamba yene yasyauvwa insonyi, awe. Icaleka fwandi yalapona pamwi na ali nu kupona. Lelo ndiza njavunuke, yalasumbwa pansi.’ ” Ivyalanda ne Yawe.

Yelemiya 6:15

Uzye yene yatange yuvwe insonyi pa vicitwa vyao vyawinyi? Awe, yene yatuvwile insonyi nanti panono. Nupya yatamanyile ni vyakuloleka nsonyi nsonyi. Acino yalapona pamwi na aali nu kupona. Lino ndiza ku kuyavunuka, ilaya ili mpela yao. Ivyalanda ne Yawe.”

Loma 2:19

Wemo wasininkizya vino wewe katungulula wa mpafu, na vino wewe luswepo kuli yao ali mu mfinzi,

Mateo 13:3

Alino ayanena vintu vingi mu milumbe ati, “Uvwini! Kwali kata wa mbezu uwaile ku kuta imbezu.