Luka 6:20 - Amazwi Yakwe Leza 2013

²⁰ Lyene Yesu acelecensya pa alondezi avwanga ati, “Alongo amwemwe mwe apina. Pano Uwene wakwe Leza uwa kwinu!

Luka 6:20 Referans Kwoze

Yakobo 2:5

Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.

2 Kolinto 8:9

Mwamanya cikuku ca Mwene witu Yesu Klistu. Nanti angala wali umukama, wene waicisile mupina kuti muye akama kupitila mu upina wakwe.

Luka 12:32

“Mutoopa, mwe ufyo unono wa mfwele, pano So camuzanzya kuti amupeele Uwene wakwe.

Mateo 25:34

Lyene Mwene alanena yao ali kwi kasa lilunji lyakwe ati, ‘Izini, mwe apolelelwe yakwe Tata. Ingilini mu Wene uno wateyanyizizye mwemwe kufuma ku utandiko wa uumbo wa insi.

Umbwilo 2:9

Namanya intazi zyako. Namanya ukuti wewe mupina. Lelo mu cumi wewe mukama! Namanya vilandwa viipe vino yakutumpwila yao akailanda ukuti Ayuda nalino yasi Ayuda. Yene yali mwi umba lyakwe yao yakwe Ciwa.

2 Kolinto 6:10

Yakati sweswe ya ulanda, lelo tukazanga lyonsi. Yakati sweswe apina, lelo tukalenga antu aingi kuya akama. Yakati tutakweti nanti cimwi, lelo tukweti vyonsi.

Zefaniya 3:12

Lelo nemo ndasyapo sile munuli antu aicefya nupya afuke, yayo akalilila kunondi kuti njazwe.

Ezaya 29:19

Antu yasilesile kumwi na alanda, yalasyukila insansa wakwe cimwi, zizyo zino Leza Wamuzilo wakwe Izlaeli akapeela antu.

Yakobo 1:12

Walongo umuntu wino akatwalilila kuya mutailwe lino akweziwa, pano lino wacimvya kweziwa, wene alapeelwa umi wa pe, wila uno Leza walaya yao amutemwa.

2 Tesalonika 1:5

Vii vyonsi vikalanga ukuti upinguzi wakwe Leza usi wa lufyengo, nga nu kuti wene akumucita kuya alinge kukuma ku Wene wakwe.

1 Tesalonika 1:6

Acino, lino mwazumile ilandwe, mwemo mwakolinye sweswe nu Mwene mu micitile. Mwacuzile, lelo Mupasi Wamuzilo wamusansamusyanga.

2 Kolinto 8:2

Yene yeziwe cuze na macuzi yano yapisilemo. Lelo luzango lwao lwali lukulu cuze cakuti kupeela kwao kwali kukulu cuze nanti angala yali apina cuze.

Milimo 14:22

Yakomelezya yano ataile nu kuyakonkomezya kuti yatwalilile kuya acumi mu utailo. Yayasambilizya yati, “Pakuti tukingile mu Wene wa mwiyulu, tulinzile kupita mu ntazi zingi.”

Luka 14:15

Lino wenga uwa muli yao atenzi pamwi nawe pa kulya uvwile cii, anena Yesu ati, “Walongo a wiyo alimulwa mu Wene wakwe Leza!”

Luka 13:28

Lyene kulaya kulila nu kulumanya incecete lino mulalola Abulaamu, Isaki, na Yakobo, na yakasema yonsi mu Wene wakwe Leza, lino mwemo mulasumbwa kunzi!

Luka 4:18

“Mupasi wa Mwene uli panondi, pano watampela maka kuti nkosole Ilandwe Lisuma ku apina. Wantuma ku kusapula anyepwe nu kuleka impafu kuti zyalola, nga nu kwiza kulula yano atitikiziwa,

Mateo 11:5

Impafu zikulola, vilema vikupita, yakwe tembwe yakupoziwa, yacipuuli yakuuvwa. Afwe yakututululwa, ni Landwe Lisuma likukosolwa ku apina.

Zakaliya 11:11

Fwandi pa wanda kwene ulya nu upangano ali kononeka. Yayo akalanga imfwele nu kuzikazya ala nayo yakundolekesya, nu kusininkizya alino lyene yasininkizya ukuti fwandi a Yawe aliwe akunena ukucita vino nkucita.

Ezaya 66:2

Pano vyonsi vii, anene navicisile ni minwe yane! Vyonsi vivyo ivyakwane, lelo nemo nkaikisya amano yane ku muntu muicefye, nu wazenzuka mu mwenzo, wiyo akaoopa izina lyane, akantumikila, ali wino nemo nasumbako amano. Ivyalanda Yawe.

Mapinda 19:1

Umulanda uwa miyele isuma, wazipa ukuluta iciwelewele ca ndimi zili.

Mapinda 16:19

Ukuicefya apa antu alanda ukusuma ukuluta ukwankana ivyuma ivisampwe na antu ya vilumba.

1 Samueli 2:8

Aliwe akanyemula apina ayafumya pa lutukumbu nu kukatusya aulilwa ukufuma pa citumba kuti ayapeele icifulo yikale na ene, kuti ayalasike pa vilimba vyaucindami. Imifula ya nsi iyakwe Yawe, nga apali pano wene wateeka insi.

Luka 16:25

“Lelo Abulaamu avwanga ati, ‘Cuza wane, iusya vino mu nsita ya umi wako wapezilwe vintu vyonsi visuma, lino Lazalo wene wapilwe vintu vyonsi viipe. Lelo ndakai wene kuno watatekeziwa, lino wemo ukucula cuze.

Masamu 37:16

Utunono tuno umuntu mololoke wakwata, twaluta apavyuma ivingi ivya mwipe.

Mateo 5:1

Lino Yesu walola maumba, akwela pa mwamba, nga lino wikala pansi alondezi yakwe yapalama kunoli.