Luka 6:15 - Amazwi Yakwe Leza 2013

¹⁵ Mateo na Tomasi. Yakobo mwana Alufeo. Simoni (kalwisya wa untungwa),

Luka 6:15 Referans Kwoze

Mateo 9:9

Lino Yesu wafumanga kuku, alola kasonkisya izina lyakwe a Mateo, ala atenzi mu ng'anda ya musonko. Alino Yesu amunena ati, “Ndondela.” Mateo nawe akatuka amulondela.

Milimo 1:13

Alino Petulo, Yoane, Yakobo, Andeleya, Filipo, Tomasi, Batolomeo, Mateo, Yakobo (mwana wakwe Alufeo) na Simoni kalwisya wa untungwa nga na Yuda (mwana wakwe Yakobo), lino yafika mu Yelusalemu yakwela ku muputule wapapela muno iikalanga.

Mako 3:18

Andeleya, Filipo, Batolomeo, Mateo, Tomasi, Yakobo mwana Alufeo, Tandeo, Simoni kalwisya wa untungwa,

Yakobo 1:1

Kalata kufuma kuli ne Yakobo, muomvi wakwe Leza nu wa Mwene Yesu Klistu. Nkulamuka antu yakwe Leza yonsi mitundu ikumi na ili asalangana konsi mu nsi.

Galatiya 2:9

Yakobo, Petulo na Yoane zili ntunguluzi zyamanyile vino Leza wampeela mulimo uwa kukosola Ilandwe. Caleka yalemine makasa na Banaba nga nani, tulamukana, kuti ciye cilangililo cakuti swensi twaya pamwi. Twazumilizyanyizye ukuti Banaba nani twaombela pakasi ka Akulukuwa nga nao pakasi ka Ayuda.

Galatiya 1:19

Ntaweni mutumwa namuze sukasile Yakobo mwina wa Mwene.

Milimo 15:13

Lino yamala kulanda, Yakobo aimilila, avwanga ati, “Uvwini kunondi, mwe inane!

Yoane 20:24

Lelo Tomasi, wenga uwamu alondezi ikumi na yaili (akaamwa ukuti Didimo) atali pamwi nao lino Yesu wizile.

Yoane 11:16

Tomasi (wino akaamwa ukuti Didimo) anena alondezi yauze ati, “Naswe kwene katupite pamwi na kasambilizya kuti tukafwe nawe.”

Luka 5:27

Lyene Yesu afumamo, alino alola kasonkisya izina lyakwe a Levi, ala atenzi mu ng'anda ya musonko. Yesu amunena ati, “Ndondela.”

Mako 2:14

Lino wapitanga, alola kasonkisya, Levi mwana Alufeo, ala atenzi mu ng'anda ya musonko. Yesu nawe amunena ati, “Ndondela.” Levi nawe akatuka amulondela.

Luka 6:14

Simoni (Wino watemile Petulo) na Andeleya mwina wakwe. Yakobo na Yoane. Filipo na Batolomeo.

Luka 6:16

Yuda mwana Yakobo na Yuda Iskalyoti, uwamukoofile.