Luka 24:27 - Amazwi Yakwe Leza 2013

²⁷ Lyene Yesu ayalondolwela vyonsi vyaya mu mpapulo zyakwe Mose na yakasema, pamulandu wakwe umwisikulu.

Luka 24:27 Referans Kwoze

Ezaya 7:14

Lyene Yawe umwisikulu amakulangizya icimanyililo conga. Akunoli umukazyana umwi, wiyo anyomelile. Aliwe alavyala umwana umonsi wino yalatemela izina lyakwe Imanueli.

Luka 24:44

Lyene ayanena ati, “Vii, vili vintu vino namunenanga lino nali namwe, ukuti vintu vyonsi vino vyalemvilwe pamulandu wane mu mpapulo zyakwe Mose na zyakwe yakasema, nga nu mu Masamu vilinzile kufikiliziwa.”

Malango 18:15

“Yawe Leza winu alamutumila kasema akoline nani ukufuma mu antu inu kwene, nga namwe mulinzile mwamuyela.

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

Milimo 10:43

Wii ali wino yakasema yonsi yacitile umboni pa kuvwanga vino Leza alelela maifyo ya muntu ali wensi uwataila mwi zina lyakwe.”

Yoane 5:39

Mwemo mukalondelezya nu kusambilila mu malembelo, pano mukaelenganya vino mulazanamo umi wape. Malembelo kwene yaa yakapela umboni pamulandu wane.

Yoane 1:45

Filipo azana Natanaeli, amunena ati, “Twati tuzana wino Mose walemvile pamulandu na aliwe mu lupapulo lwa Masunde, wino na yakasema nao kwene yalemvile pamulandu na aliwe mu mpapulo zyao. Wene a Yesu mwana Yosefu uwaku Nazaleti.”

Utandiko 22:18

Na antu amu nko zyonsi zya muno nsi yalanguzya kuti nayo njapolelele wakwe vino natinkupolelela na ana yako pamulandu wa kunjela.”

Ezaya 50:6

Nafutatile itundu lyane kuli yayo angumanga, na matama yane nisile kuli yano yanjipanga vilezu Ntafisanga usyu wane kuli yayo ansaalulanga nu kunswila amati.

Luka 24:25

Lyene Yesu ayanena ati, “Viwelewele mwe, mwe muno mwakoma myenzo pa kutaila vintu vino yakasema yalanda.

Zakaliya 13:7

Yawe Wamaka yonsi wavwanga wati, “Ale we lupanga lwane, zanza kacema wane, zanza umuntu akambombela. Ukome kacema pakuti imfwele zisalangane. Nani namazanzapo utwana twa mfwele.”

Utandiko 3:15

Nika uwanisi pakasi kako nu mwanaci, pakasi ka mwana wako nu mwana wakwe. Alakufwamfwanta ku mutwe, nga nawe ulamuluma ku cintunta.”

Mika 7:20

Ulalanga uluse ku amu mupanda wakwe Yakobo, nu kutemwa kwako kwa muntaputuka ku amu mupanda wakwe Abulaamu, ndi muno walaile ivikolwe vitu uku mpiti.

Danieli 7:13

Lino naweni ivintu vii usiku mu cilolwa, naweni umwi uwalolike wa muntu. Wene ala akwika na makumbi amwiyulu. Alino aiza kuli wiyo uwaliko ku katalili nga yauze yamutwala kunoli.

Masamu 132:11

Awewe walavile nu mulapo kuli Davidi, ulayo uno utalafutuka uti, “Ndalasika wenga uwamu ana yako aonsi apa cilimba cako ica wene.

Utandiko 49:10

Intuwa ya wene ilikala mu makasa yakwe Yuda amanda pe, nga na amu mupanda wakwe yalateeka amanda pe. Inko zilaleta vya mawila kunoli. Nga yalamuvwila nu kumufukamila.

Utandiko 26:4

Ndalenga ana yako kuvula wa ntanda zya mwiyulu, nupya ndayapeela impanga ii yonsi. Mitundu yonsi ili nu kunguzya kuti njipolelele wakwe vino natimpolelela ana yako.

Milimo 7:37

Mose uwanenyile aina Izlaeli ati, ‘Leza alamutumila Kasema, wakwe vino wantuma, alaya uwa muli mwemwe kwene.’

Ezekelo 34:23

Ndakatusya kacema uwa kuziteeka, umuomvi wane Davidi awino alaya akacema waziko nu kuzisunga aliwe alazisunga.

Ezekelo 37:25

Yalaikala umu mpanga ino napiile umuomvi wane Yakobo, umwikalanga ni vikolwe vyao. Ali muno na eneco kwene yalaikala amanda pe pamwi na ana yao, kumwi ni vizikulula vyao kwene.

Milimo 3:24

Endi na yakasema onsi, kutandika pali Samueli na yonsi alondelile yasemile ivikucitika manda yaa.

Milimo 3:22

Pano Mose wavwanzile ati, ‘Leza winu alamutumila kasema, wakwe vino wantumile. Wene alaya wenga uwamu antu inu, mukaamuvwa mu vintu vyonsi vino alamunena.

Malaki 4:2

Lelo mwemo mwe muno mukanjela, amaka yane akutuula yaliza pano muli wa kutunka kwi lanzi, nu kuleta ukupoziwa kwa micalalazi yi lanzi. “Namwe mulacena wa twana twa ng'ombe tuno yayulila kuti tufume mu citata.

Umbwilo 19:10

Alino mfukama pipi ni ngazo zyakwe kuti imupepe, lelo wene anena ati, “Utacita cico! Nene muomvi muzo pamwi na auzo ataila, onsi yakambone ya cumi cino Yesu wasokolwile. Uwapepa Leza.” Pano cumi cino Yesu wasokolwile umupasi wa usemo.

Utandiko 12:3

Ndapolelela yao alakupolelela. Lelo ndatipwila yao alakutipwila. Munuli ndapolelela inko zyonsi.”

Mpendwa 21:14

Ali cino Lupapulo lwa Nkondo zyakwe Yawe lukati, “Waebu mumbali yakwe Sufa, nga ni vifoloma, Luzi lwa Alinoni,

Malango 1:45

Lino mwawelulwike mwakuusile kuli Yawe kuti amwazwe, lelo wene atuvwile nanti kusumbako amano kunomuli.

Ezaya 1:23

Intunguluzi zyako zyatizitalama, iziya a yacuza ya ivi. Lyene yakazumilizya utwawila na mafukakanwa. Yatangeyezye lyene ukuvwangila ana yasyale mu cilye nanti ukuvwa ku ntazi zyakwe yamukamfwilwa.

Ezaya 8:17

Yawe wafisama uku manso ya antu yakwe, amu mupanda wakwe Yakobo. Lelo nemo namutaila nu kulolela awino inkalolela.

Ezaya 9:1

Apa mpiti, impanga ya mutundu wa ina Zebuluni na wakwe Nafutali yali ipupane. Lelo ivilaloleka uku nkolelo vilacindamika impanga iyo. Ukutandikila sile kuli yemba waku Mediteleniani ukulungama ku ufumondaka mu mpanga iyayela ku mbalama ya luzi lwa Yodani, mpaka ukufika nu kucitungu caku Galile, umwikala ainamasi.

Mika 5:6

Yene yalacimvizya aina Asilya ku lupanga, ni mpanga yakwe Nimulodi yalaicimvya umu nkondo. Yene yalatukulula ku ina Asilya, lilyo lino yalingila mu mpanga itu, ku kutuponyezya inkondo.

Mako 4:34

Atayasambilizyanga cimwi kwaula kuomvya milumbe, lelo ndi wikala pamwi na alondezi yakwe ataomvyanga milumbe, lelo walondololanga vyonsi kunoyali.

Yoane 5:37

Na Tata, wino uwantuma, nawe kwene akapeela umboni pali nene. Mwemo mutatala muvwa izwi lyakwe, nanti kumulola.

Yoane 12:41

Ezaya wavwanzile vii, pano waweni lulumbi lwakwe Yesu nga avwanga pamulandu na aliwe

Milimo 3:18

Ku mpiti Leza wavwanzile kupitila muli yakasema yonsi ukuti Klistu wino wasolwile alacuziwa, nga cati cifikiliziwa mu musango kwene uu.

Milimo 8:35

Lyene Filipo atandika kuvwanga. Atandikila pa ciputulwa ca malembelo kwene cii, amunena Ilandwe Lisuma lya pali Yesu.