Luka 23:33 - Amazwi Yakwe Leza 2013

³³ Lino yafika ku cifulo camwangwa, “Pi panga,” yatana Yesu ni vipondo vyoili kwene, conga kwi kasa lilunji ni cuze kwi mani lyakwe.

Luka 23:33 Referans Kwoze

1 Petulo 2:24

Klistu umwisikulu wasenzile cisendo ca maifyo itu mu mwili wakwe. Wene watanyilwe pa lupanda pakuti swemo tute ukwifya tutandike kucita vyawololoke. Vitotwa ni vyumo vyakwe ivikatupozya.

Yoane 18:32

Cii, cacitike kufikilizya mazwi yano Yesu wavwanzile pa kulanga musango wa mfwa ino wali nu kufwa.)

Zakaliya 12:10

“Ana yakwe Davidi na ina Yelusalemu nemo ndayapeelesya amano akukwatisya uluse, na mano akumpepesya wakwe cimwi. Yalatamba umwi wino yatulinkinye icanzo, yalamulosya vivi kwene ndi vino yakalosya umwana umonsi uwavyalwa wenga mpo. Yalamulosya kwati antu afwililwe umwana wao umonsi uwi yeli.

Malango 21:23

ale lyene mutalinzile kusya umwili uwo pa cimuti. Mulinzile kuzika umwili, pamulandu wakuti umwili uno iyatana pa cimuti ukaleta citipu cakwe Leza pa mpanga. Muziike umwili uwo, pakuti mutakowezya impanga ino Leza akupeela kunomuli.”

Galatiya 3:13

Lelo Klistu watukulula ku citipu ca Masunde, lino umwisikulu waipile kuya citipu mu cifulo citu. Pano calembwa mu malembelo cati, “Wiyo wensi uwatanwa pa cimuti ala citipu cakwe Leza cili panoli.”

Milimo 13:29

Lyene lino yamala kucita vyonsi vino malembelo yakataka pali aliwe, yamwisya pa lupanda, nga yamuzika mwi lindi.

Milimo 5:30

Yesu wazyukwike kufuma ku afwe ku maka yakwe Leza wa vikolwe vitu, pacisila lino mwamukoma pa kumupampamila pa lupanda.

Milimo 2:23

Leza, ukulingana nu kulonda nga nu kumanya kwakwe, wasolwile mpiti kuti Yesu apelwe kunomuli, nga namwe mwamukomile apakuleka antu yankota yamutane pa lupanda.

Yoane 3:14

Wakwe vino Mose wasamike inzoka ya mukuwa pa cimuti mu lwanga, avino nu Mwana wa Muntu ali nu kusamikwa pa cimuti

Luka 24:7

ati, ‘Umwana wa muntu alinzile apelwe ku antu yakaifya, nu kutanwa, na pa wanda wakulenga yatatu alazyukuka.’”

Mateo 26:2

“Mwati mumanya vino kwasyala manda yaili kufika pa wanda wa kuzevya Cimulo ca Ucilo, nga nu Mwana wa Muntu alapeelwa kuti yamutane pa lupanda.”

Mateo 20:19

Alakoopelwa ku Akulukuwa yano alamusaalula, yalamuma ivikoti nga nu kumutana pa lupanda. Lelo pa wanda wakulenga yatatu alazyukuka aye umumi.”

Masamu 22:16

Icikundi ca antu caticindizizya, yali kwati akapukutu kakwe yasimbwa. Yatiyanyenkola amaulu na makasa yane