Luka 23:22 - Amazwi Yakwe Leza 2013

²² Pilato avwanga kunoyali iila lyakwe citatu ati, “Uzye wataifya cani? Ntazanyile mulandu umwi uno watacita uwakuti afwilepo. Caleka namamunyambola sile nu kumusapula.”

Luka 23:22 Referans Kwoze

Luka 23:14

ayanena ati, “Mwati muleta umuntu wii kunondi wino mukuti akutunkola antu. Nati mpitulukamo mu mulandu wakwe nkolelo inu. Lelo ntamuzanyile nu mulandu pa vintu vyonsi vino mwati mumulongwela.

1 Petulo 3:18

Pano Klistu umwisikulu wafwile lyonga sile pamulandu wa maifyo itu. Wene wali uwakaele pa kufwila yakaifya, pakuti amutungulule kuli Leza. Wene wakomilwe, lelo aya nu umi ku mupasi.

1 Petulo 1:19

Lelo yene uwazi wamutengo wa mpolelwa yakwe Klistu, wino wakoline wa mwana wa mfwele uwaula indema nanti iyala.

Luka 23:20

Pilato walondanga kuti asapule Yesu, caleka nupya avwanga kunoyali.

Luka 23:16

Caleka namamunyambola sile nu kumusapula.” [

Luka 23:4

Lyene Pilato anena yasimapepo akalamba nga ni iumba ati, “Umuntu wii ntamuzanyile nu mulandu.”

Luka 23:21

Lelo yasanzika mazwi yao, yati, “Atanwe pa lupanda! Atanwe pa lupanda!”

Luka 23:23

Lelo yatwalilila kulaizya nu kupamvya kuti Yesu atanwe, nga nu kulaizya kwao kusuka kutonsya Pilato.