Luka 23:10 - Amazwi Yakwe Leza 2013

¹⁰ Yasimapepo akalamba na yakasambilizya ya Masunde izile ku nkolelo nu kumulongwela na maka.

Luka 23:10 Referans Kwoze

Milimo 24:5

Twazana ukuti umuntu wii umutalinkane cuze. Akatandika kucita mpanzela mu Ayuda amu nsi yonsi nupya wene intunguluzi ya kaungwe ka ina Nazaleti.

Luka 23:5

Lelo yene yakomapo kulanda yati, “Usambilizyo wakwe ukasongelekanya antu yonsi amu mpanga ya Yudeya. Watandike ku Galile lyene wataiza na kuno.”

Luka 23:2

Alino yatandika kumulongwela, yati, “Twazana ukuti umuntu wii akutunkola antu amu luko lwitu kuti yatasonka musonko kuli Kesa nu kuilanda vino wene ali Katuula uwalavilwe.”

Luka 11:53

Lino Yesu wafumile pa ncende iilya, yakasambilizya ya Masunde na Afaliseo yatandika kumusokela nu kumuuzya amauzyo aingi,

Mateo 27:12

Lelo lino yasimapepo akalamba na aikolo yakumulongwela, Yesu wene atavwanzile nanti cimwi.

Luka 23:9

Caleka Helodi auzya Yesu amauzyo aingi, lelo Yesu atamwasukanga.

Luka 23:11

Lyene Helodi na asilika yakwe yatumfya Yesu nu kumusaalula. Alino lyene yamuzwika umwingila uyembe cuze, yamuswilizya kuli Pilato.