Luka 22:40 - Amazwi Yakwe Leza 2013

⁴⁰ Lino wafika ku cifulo cici, ayanena ati, “Pepini kuti mutaponela mu matunko.”

Luka 22:40 Referans Kwoze

Mateo 6:13

Utaleka tuponele mukweziwa kukome lelo ututuule ku Mwipe wilya.’

1 Petulo 4:7

Mpelelekezyo ya vintu vyonsi yatipalama. Mulinzile kuikanya, nupya pempulini kuti muye na maka akupepa.

Luka 22:46

Alino ayanena ati, “Pacani mukukasula? Katukini mupepe kuti mutaponela mu matunko.”

Umbwilo 3:10

Pano wayela sunde lyane nu kuposya. Caleka ndakusunga ningo mu nsita yakweziwa lino iliza pa nsi yonsi, kuti yonsi aikalapo yeziwe.

Luka 11:4

Utwelele maifyo itu, vino naswe tukaelela onsi yano akatwifya, nupya utaleka tuponele mu matunko.’”

Masamu 119:133

Ndi muno wandaile, ndemelele, utaleka impone. Utaleka inkota zincimvye.

Masamu 17:5

Nemo nkalondela umu nzila zyako kwaula ukunenuka, pano limwi ingazo zyane zingasyelemuka.

1 Milandu 4:10

Lelo kwene Yabezi wapefile kuli Leza wa ina Izlaeli ati, “We Leza, ungampolelela umpeele ni mpanga ikulu. Nkukulenga uye nani, nupya uwancingilila nu ku viipe vyonsi ivingandetela ukuwaika.” Nga Leza amupeela cino walenzile.

Masamu 19:13

Ncingilile ukucilumba ca palwalala. Utaleka cinteke uzya. Lyene indaya umwi uwakaele, uwaula iifyo ilikulu.