Luka 22:33 - Amazwi Yakwe Leza 2013

³³ Lelo Petulo avwanga ati, “Mwene, indi umuiteyanye ukuya ku ng'anda yaminyololo nu kufwa pamwi nawe.”

Luka 22:33 Referans Kwoze

Mako 14:31

Lelo Petulo avwanga na maka ati, “Nemo nanti cingaya cakuti imfwe pamwi nawe, ntangankukane inti ntakumanyile.” Na alondezi yonsi yavwanga cili conga.

Mako 14:29

Petulo avwanga ati, “Nanti yonsi yalakufutatila nemo ntalacicita.”

Mateo 20:22

Lelo Yesu ayanena ati, “Mutamanyile cino mukulenga. Uzye mungamwa mu lwako lwa ucuzi luno nasya imwemo?” Nao yaasuka yati, “Tungacita.”

Milimo 21:13

Lelo Paulo avwanga ati, “Mukucita cani, ukulila nu kuntezula mwenzo? Ala kusi kunyepwa kutupu kuno naipela, lelo nu kufwa kwene mu Yelusalemu pamulandu wi zina lya Mwene Yesu.”

Mapinda 28:26

Wiyo uwataila umu mano yakwe umweneco, wene iciwelewele. Lelo wiyo akalondela ivya antu yamano, alapusuka.

Yelemiya 17:9

“Uzye aweni angatezya vyamu mwenzo wa muntu? Mwene mwazula ucenjezi uwa misango yonsi, nupya uwipe wakwe cimwi.

Yelemiya 10:23

“Yawe Leza wamanya ukuti umuntu atange aisolwele umweneco uyo wakwe. Kusi umuntu uwakwata amaka apa umi wakwe.

Luka 22:34

Yesu nawe amunena ati, “Nakunena, Petulo, ilelo kwene, lino mukolwe atacili alamule wemo umankana maila yatatu ale ukuvwanga vino utamanyile.”

Yoane 13:38

Yesu aasuka ati, “Uzye wati uiteyanya ukufwa pamulandu wane? Nakunena vino lino mukolwe atacili alamule wemo umankana maila yatatu ale ukuvwanga vino utamanyile.”

Luka 22:57

Lelo Petulo akana ati, “Mwanaci we, nemo ntamanyile umuntu wiyo.”