Luka 19:47 - Amazwi Yakwe Leza 2013

⁴⁷ Manda onsi Yesu wasambilizyanga mu Ng'anda ikulu yakwe Leza. Yasimapepo akalamba, yakasambilizya ya Masunde, ni ntunguluzi zya antu amu Yudeya, yalondanga ukumukoma.

Luka 19:47 Referans Kwoze

Mako 11:18

Yasimapepo akalamba na yakasambilizya ya Masunde, lino yuvwa cii, yatandika kulonda inzila yakuti yakomelemo Yesu. Lelo yamoopanga, pano iumba lyonsi lyazungwike pa usambilizyo wakwe.

Mateo 26:55

Pa kasita kaka, Yesu anena iumba ati, “Uzye mwizile kuli nene ni mpaanga ni zya ntuwa pa kundema, ungati nene cipondo? Manda aingi nazanwanga mu Ng'anda ikulu yakwe Leza, ala nkusambilizya, nga namwe mutandemile.

Yoane 18:20

Yesu amunena ati, “Nsita zyonsi navwanganga paswe kuli cila muntu. Kusambilizya kwane konsi kwacitwanga mu mang'anda yamapepo, nga nu mu Ng'anda ikulu yakwe Leza, muno Ayuda yonsi yakongananga. Ntatala navwanga cimwi mu nkama.

Yoane 10:39

Nupya kwene yalonda kulema Yesu, lelo aongoloka pano yali.

Yoane 7:44

Na yamwi yalonda kuti yamuleme, lelo patali umuntu waisile makasa panoli.

Yoane 7:19

Uzye Mose atamupiile Masunde yakwe Leza? Lelo muli mwemwe musi nanti wenga akayela Masunde. Uzye pacani mukulonda kunkoma?”

Mako 14:1

Kwasile manda yaili kufika pa wanda wa kuzevya Cimulo ca Ucilo nga ni Cimulo ca Mukate usi na Citutumusi. Yasimapepo akalamba na yakasambilizya ya Masunde yalondanga inzila yakuti yalemelemo Yesu munkama nu kumukoma.

Mako 12:12

Yasimapepo akalamba, yakasambilizya ya Masunde na aikolo yalondanga inzila yakulemelamo Yesu pano yamanyile vino wayasyentekanga mu mulumbe. Lelo yoopa iumba, alino yamusya yapita.

Mateo 21:23

Lino wingila mu Ng'anda ikulu yakwe Leza, yasimapepo akalamba na aikolo ali ntunguluzi zya antu iiza kunoli ala akusambilizya, yamuzya yati, “Uzye maka cii yano ukweti akucita vintu vii? Uzye aweni uwakupeela maka kwene yaa?”

Mako 14:49

Nali namwe manda aingi ala nkusambilizya mu Ng'anda ikulu yakwe Leza, nga namwe mutandemile. Lelo pano amalembelo yalinzile yafikiliziwe.”

Luka 19:48

Lelo yatazanyile nzila yakucita cii, pamulandu wakuti insita zyonsi wikalanga na antu ala yakuuvwa kunoli.

Luka 20:19

Yakasambilizya ya Masunde na yasimapepo akalamba yalondanga inzila yakuti yalemelemo Yesu pa nsita kwene ilya, pano yamanyile vino wayasyentekanga mu mulumbe. Lelo yoopa antu.