Luka 19:20 - Amazwi Yakwe Leza 2013

²⁰ Muomvi muze nawe kwene aiiza ati, ‘Mwene, lupiya lwako luno wampile aulu. Nalunyefile mu citambala.

Luka 19:20 Referans Kwoze

Mateo 25:24

“Alino lyene muomvi wino waposile impiya izimbi lyonga nawe aiiza ku mwene wakwe, amunena ati, ‘Mwene, namanya vino wewe mutale pano ukazombola pano utakomile, ukakolonganika pano utasansansile.

Yakobo 4:17

Caleka, umuntu wino asyacita cisuma cino amanyile ukuti alinzile kucita ala ali nu mulandu uwa kwifya.

Luka 19:13

Lyene aama aomvi yakwe ikumi, apeela cila wenga lupiya longa, ayanena ati, ‘Kaziomvini mu kuculuzya kufika lino ndawela.’

Luka 6:46

“Pacani mukungama mukuti, ‘Mwene, Mwene,’ lelo musikulondela vino nkumunena?

Luka 3:9

Na ndakai kwene impasa iteyanyiziwe ku kusinda imiti pa visinte. Umuti onsi uno usiseeka vizao visuma ulakomwa nu kusumbwa mu moto.”

Luka 19:19

Mwene wakwe amunena ati, ‘Umaya kangalila wa misumba isano.’

Luka 19:21

Noofile, pano wewe mutale. Ukatola cino utika nupya ukazombola pano utakomile.’

Yoane 11:44

Alino Lazalo afuma, ala makasa na maulu yakwe yafufilwe mu nsalu ya mufwe, nga nu ku manso yakwe kwafufilwe ni citambala. Yesu ayanena ati, “Mufupululini nsalu, lekini apite.”

Yoane 20:7

nga ni citambala cino canyefilwe ku mutwe wakwe Yesu. Cene citali pamwi ni nsalu zitiswe zyamutengo, lelo cakonzine conga pa mbali.