Luka 18:32 - Amazwi Yakwe Leza 2013

³² Wene alakoopelwa ku Akulukuwa, nao yalamusaalula, yalamutuka, nu kumuswila mati.

Luka 18:32 Referans Kwoze

Luka 23:11

Lyene Helodi na asilika yakwe yatumfya Yesu nu kumusaalula. Alino lyene yamuzwika umwingila uyembe cuze, yamuswilizya kuli Pilato.

Ezaya 53:3

Wasaalukanga nu kusulwa ku antu, wali umuntu wa ulanda, wene uvwanga ukali. Swemo twamusuuzile cakuti tutalondanga nu kumulolekesya, pano tutamwikanga pa untu foo.

Ezaya 50:6

Nafutatile itundu lyane kuli yayo angumanga, na matama yane nisile kuli yano yanjipanga vilezu Ntafisanga usyu wane kuli yayo ansaalulanga nu kunswila amati.

Milimo 3:13

Leza wakwe Abulaamu, Isaki na Yakobo, Leza wa vikolwe vitu uwapela lulumbi kuli Yesu muomvi wakwe. Mwemo mwamupile ku ntunguluzi zya Ciyuda mumukana pa manso yakwe Pilato, nanti angala Pilato wakasi kuti amusapule.

Mako 14:65

Alino yamwi yatandika kumuswila mati, nu kumuvimba pa manso nu kumuma yavwanga yati, “Ale tunganya! Uzye aweni uwakuma?” Lyene asilika nao yamusenda yamuma.

Mateo 26:67

Lyene yamuswila mati pa manso nu kumuma. Yamwi nao yamuma impi.

Mateo 16:21

Kufuma pa nsita kwene ilya nu kutwalilila, Yesu atandika kunena alondezi yakwe paswe ati, “Indi nu kuya ku Yelusalemu, kuno ndapelwa mu makasa ya ikolo ya Ayuda, yasimapepo akalamba na yakasambilizya ya Masunde, yano alancuzya cuze. Yalankoma, lelo pa wanda uwalenga yatatu ndazyukuka nu kuya nu umi.”

Mika 5:1

Lyene konganikini impuka zya vita, mwe ikazi yaku Yelusalemu, pano anisi yatiyatuteyamila. Yene yakupoola intunguluzi ya ina Izlaeli umunzekete ni mbuungo.

Ezaya 52:14

Antu aingi cayaputwile umusana pa kumulola, pano icata cakwe cali icivulungane apakumutakanya kwati asi muntu.

Milimo 2:23

Leza, ukulingana nu kulonda nga nu kumanya kwakwe, wasolwile mpiti kuti Yesu apelwe kunomuli, nga namwe mwamukomile apakuleka antu yankota yamutane pa lupanda.

Yoane 18:35

Pilato aasuka ati, “Uzye ukwelenganya vino nene Muyuda? Antu amu luko lwako nga na yasimapepo akalamba ali yano yapile wewe kunondi. Uzye icani cino watucita?”

Yoane 18:30

Nazyo zyasuka ziti, “Ndu muntu wii asi kacita wa viipe, nga tutamupile kunuli.”

Yoane 18:22

Lino Yesu wavwanga cii, musilika umwi uwaimi pipi amuma ulupi ati, “Uzye avino ungavwanga kuli Simapepo Mukulu?”

Luka 23:35

Antu iimilila, yala yakulola, nga intunguluzi zya Ayuda ala zikumusoweka, zikuti, “Watuulanga auze, lekini aituule umwisikulu ndi cakuti wene ali Katuula wino Leza wasolola!”

Luka 23:1

Lyene iumba lyonsi likatuka limutwala kuli Pilato.

Mateo 27:2

Alino yamunyepa yamusenda, nu kumupeela kuli Pilato uwali mulasi.

Yoane 18:28

Lyene katondo tondo yafumya Yesu kwakwe Kayafa, yamutwala kwi sano lya mulasi. Ntunguluzi zya Ciyuda zyene zitingile mwi sano, zyoopa kukoweziwa, kuti zingalyako Cimulo ca Ucilo.

Mako 15:1

Lyene katondo, yasimapepo akalamba, aikolo Ayuda, yakasambilizya ya Masunde, pamwi ni nkombe zya mwi Tengo zyonsi, yakongana, yalanzyanya vya kucita. Alino yamunyepa, yamusenda nu kumupeela kuli Pilato.

Mateo 20:19

Alakoopelwa ku Akulukuwa yano alamusaalula, yalamuma ivikoti nga nu kumutana pa lupanda. Lelo pa wanda wakulenga yatatu alazyukuka aye umumi.”

Mateo 22:6

Asyala nao yalema aomvi yakwe, yayacuzya nu kuyakoma.

Luka 18:33

Yalamuma ivikoti nu kumukoma, lelo pa wanda wakulenga yatatu alazyukuka aye umumi.”

Yoane 18:32

Cii, cacitike kufikilizya mazwi yano Yesu wavwanzile pa kulanga musango wa mfwa ino wali nu kufwa.)