Luka 16:7 - Amazwi Yakwe Leza 2013

⁷ Lyene auzya wakwe ciili ati, ‘Uzye nawe wakongola zinga?’ Nawe amunena ati, ‘Masaaka ya ngano myanda itatu na makumi yasano.’ Kangalila amunena ati, ‘Tola apalembwa nkongole zyako, ulembepo masaaka ya ngano myanda iili na makumi cinani.’

Luka 16:7 Referans Kwoze

Luka 20:12

Umwine wa calo atuma muomvi wakwe citatu, lelo nawe kwene yamucisa, alino yamusumbila kunzi ya calo.

Luka 20:9

Lyene Yesu atwalilila kulanda, aumila antu mulumbe uu ati, “Kwali umuntu uwalimile calo ca matingi. Alino acipanzisya ku alimi, nga apita ku mpanga yuze pa nsita ntali.

Mateo 18:28

“Lyene lino muomvi wafuma nu kupita, umu nzila azana muomvi muze wino wamukofile impiya madenali mwanda, amulema, amutitila pa nsingo ati, ‘Ndipa inkongole yane.’

Luka 2:37

Wene wali a mukamfwilwa uwa myaka makumi cinani na ini. Atatazile ataawe kuya ku Ng'anda ikulu yakwe Leza nupya watemilwe kutumikila Leza, nupya lili lingi pa kupepa Leza wapitanga kwaula kulya musanya nu usiku.

Luka 16:6

Nawe amunena ati, ‘Mafuta kulingana manye yalita makumi yatatu na cinimbali.’ Kangalila amunena ati, ‘Tola apalembwa nkongole zyako, ikala pansi zuwa ulembepo makumi yasano.’

Luka 16:8

“Lyene mwene alumbanya kangalila uwali incenjezi pamulandu wakucenjela kwakwe, pano antu alondela vyamu nsi ii, amisango ili yonga, yacenjela kuluta antu yano yakapita mu luswepo lwakwe Leza.”