Luka 16:20 - Amazwi Yakwe Leza 2013

²⁰ Apa mpongolo ya ng'anda yakwe pakupaanga mupina umwi, izina lyakwe a Lazalo, uwali ni vilonda mwili onsi.

Luka 16:20 Referans Kwoze

Milimo 3:2

Lyene pa mpongolo ya Ng'anda ikulu yakwe Leza, ino yamwangwa ukuti Mpongolo Iyembe, yazanapo umuntu uwavilwe cite. Cila wanda yamutwalanga ku mpongolo kuti alenga ku antu akwingila mu Ng'anda ikulu yakwe Leza.

Yakobo 2:5

Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.

Yakobo 1:9

Mwina Klistu mupina alinzile kusansamuka lino Leza walenga kuti acindame.

Luka 16:21

Nupya wakumbwanga ukulya tuvungwa utwaponanga kufuma ku cipango ca mukama. Nu kuluta pali cii yasimbwa yamumyantilanga ivilonda.

Yobo 2:7

Satana nawe ali pakufuma asya Yawe nga aya alwalika Yobo ivilonda umwili onsi. Ukutandikila sile apa tukando mpaka nu ku mutwe.

1 Samueli 2:8

Aliwe akanyemula apina ayafumya pa lutukumbu nu kukatusya aulilwa ukufuma pa citumba kuti ayapeele icifulo yikale na ene, kuti ayalasike pa vilimba vyaucindami. Imifula ya nsi iyakwe Yawe, nga apali pano wene wateeka insi.

Yelemiya 8:22

Uzye mu mpanga ya Gileadi umulembo wasila? Uzye mutaya sing'anga nanti wenga sile? Uzye pacani fwandi cino antu yane yatapoziwa?

Ezaya 1:6

Ukutandikila ku mitwe ukufika sile na pa tukando, pasi nanti pamwi apasyala umu miili inu pano tungati apa puma. Imiili inu yaya sile ikuuzuluke, ni vilonda nga ni vilase vitupu. Alino navyo kusi akavifulila, ukuvinyepela nanti ukwikapo umulembo.

Masamu 73:14

Iye mwe Leza, awewe ukaleka kuti nacula vii umusanya onsi, na cila katondo ukatala uncuzyapo!

Masamu 34:19

Ivikacula umuntu musuma ala ivingi wakwe cimwi. Lelo Yawe akamupususya kuli vyonsi sile.

Yoane 11:1

Muntu umwi izina lyakwe a Lazalo, walwile. Wene wikalanga ku Betaniya, umuzi uno yakaci yakwe oili Maliya na Mata ikalanga. (

Mateo 26:71

Alino afumapo aya ku mulyango, nga lino umukazyana muomvi namuze wamulola, anena yano aimi pipi ati, “Muntu wii, nawe kwene wali na Yesu uwaku Nazaleti.”

Luka 16:19

“Kwali umuntu mukama uwazwalanga insalu ziyenzulukile zyamutengo, uwalyanga ningo nupya watenzi mu luzango lwa manda pe.