Luka 11:1 - Amazwi Yakwe Leza 2013

¹ Yesu wapepanga mu cifulo cimwi. Lino wamala, wenga uwamu alondezi yakwe amunena ati, “Mwene, tusambilizye kupepa, ndi vino Yoane Kawatizya wasambilizye alondezi yakwe.”

Luka 11:1 Referans Kwoze

Masamu 19:14

Sungala upokelele amazwi yapa kanwa kane, na melenganyo amu mwenzo wane. We Yawe, we ciliwe cane na katuula wane!

Yuda 1:20

Lelo mwe yacuza yane akundwe, twalililini kukula mu utailo winu wamuzilo. Pepini mu maka yakwe Mupasi Wamuzilo.

Luka 6:12

Mu manda yalya Yesu waile ku mwamba ku kupepa. Alola uca, ala akupepa kuli Leza.

Luka 9:18

Insita imwi Yesu wapepanga ala ali sile na alondezi yakwe. Yesu ayauzya ati, “Uzye antu yakati nene weni?”

Ayebulai 5:7

Lino Yesu wali pano nsi wene wapepanga nu kulenga Leza ni zwi likulu na minsozi, wino uwali na maka akumutuula ku mfwa. Leza wamuvwile, pano wene waicefizye nu kuya uwa cumi kunoli.

Luka 9:28

Papisile umulungu kufuma lino Yesu walanzile vintu vii, Yesu asenda Petulo, Yoane na Yakobo yaya pa mwamba ku kupepa.

Masamu 10:17

We Yawe, uluvwa amapepo yakwe yao aicefya. Nawe ulayakomelezya.

Luka 7:13

Lino Mwene wamulola, aya na mizu, nga amunena ati, “Utaalila.”

Luka 7:19

Yoane aama yaili amu alondezi yakwe. Ayatuma kuli Yesu ku kumuzya, yati, “Uzye wewe uli wino Yoane walanzile ukuti akwiza, nanti tumalolelanga muze?”

Luka 10:42

Lelo cikulondekwa sile cili conga. Maliya watasolola icintu campomvu, nupya citalapokwa kunoli.”

Luka 11:2

Lyene Yesu ayanena ati, “Lino mukupepa, mwati, ‘Tata, Izina lyako licindikwe; Uwene wako wize.