Luka 1:6 - Amazwi Yakwe Leza 2013

⁶ Nao oili yali aololoke pa manso yakwe Leza, nu kuya ni cuvwilo ku mazwi ya Mwene yonsi.

Luka 1:6 Referans Kwoze

Utandiko 7:1

Lyene Yawe anena Nowa ati, “Pita ingila mu cange pamwi na amu ng'anda yako. Ninzana vino wewe wenga mpo mu antu yonsi ukacita ivyaololoke.

Utandiko 17:1

Lino Abulamu wali ni myaka amakumi fundimbali na fundimbali, Yawe aloleka kunoli nga amunena ati, “Nene Leza Wamaka yonsi. Uwanguvwila mu manda ya umi wako yonsi nu kucita vyawololoke pe.

Filipi 2:15

pakuti muye akaele, ana yakwe Leza aswepe nupya afumaluke, yano akaikala mu nsi ikowele nupya pakasi kakwe yakaifya. Mulinzile kuyengesa munoyali wa ntanda zino zikupeela luswepo mupela mwiyulu,

Milimo 24:16

Caleka nsita zyonsi nkaezya na mano yane kuya na kampingu uwakaele inkolelo yakwe Leza na antu.

1 Yamwene 9:4

Ndi cakuti umantumikilanga umu cumi na muli ukaele ndi vino so Davidi wacitanga, umayela na malamulo yane ni vyeo nga na masunde yane,

1 Tesalonika 3:13

Mu musango ndi uu, wene alamukomelezya, nga namwe mulaya afumaluke nupya amuzilo pa manso yakwe Leza Tata, lilyo lino Mwene witu Yesu aliiza nupya pamwi na akwakwe yonsi amuzilo.

Yobo 1:1

Mu mpanga ya Uzi mwikalanga umuntu umwi wino izina lyakwe wali a Yobo. Umuntu wi wali uwaula umulandu nupya akacita ivisuma. Umuntu wi woopanga Leza nu kuleuka inkota.

1 Yoane 2:3

Ndi tukayela masunde yakwe Leza, ale lyene tukusininkizya vino twamumanya.

2 Petulo 3:14

Acino, mwe yacuza, lino mucili mukulolela, mulinzile kusininkizya ukuti Mwene akamuzane akaele, aula maifyo, nu kwikala mutende pakasi kinu na Leza.

Yobo 1:8

Nupya Yawe auzya Satana ati, “Uzye utali walola ivyaya umuntu wane Yobo? Uzye kwene muno nsi mungaya umuntu wino yangalingana nawe umu kucita ivyaololoke? Wene wankwatila umucinzi ni coopo, nupya wene akafuntuka ku kucita akantu akali konsi akaipe.”

1 Yoane 3:7

Mwe ana yane, mutaleka umwi amusombe. Wino wensi akacita vyaololoke, wene waya umololoke ndi vino Klistu ali.

1 Yoane 2:29

Ndi mwamanya ukuti Klistu akacita vyaololoke, lyene mutatwisika ukuti umuntu akacita vyaololoke umwana wakwe Leza.

Kolose 1:22

Lelo ndakai kupitila mu mfwa ya Mwana wakwe yaku mwili, mwemo Leza wamucita kuya yacuza yakwe pakuti aleke muye amuzilo, asanguluke, nupya aula mulandu pa manso yakwe.

2 Kolinto 1:12

Tungaitumika pano yakampingu itu yasininkizya kuno tuli ukuti umi witu muno nsi waya uwa cumi nupya uwaula ucenjezi, maka maka lino twali mu utandano namwe. Nupya twatungululwanga na maka acikuku cakwe Leza kuluta kutungululwa na mano ya untu.

1 Kolinto 11:2

Inane nemo nkumutasya pano mukanjiusya lyonsi nu kulondela masambilizyo yano napiile kunomuli.

Milimo 23:1

Paulo alolekesya amwi Tengo avwanga ati, “Inane, nemo na ndakai mu umi wane nati ntumikila Leza na kampingu musuma.”

Masamu 119:6

Ndi caya vivyo intange indemwe ni nsonyi, lino nkulolekesya apa vyeo vyako vyonsi.

Yobo 9:2

“Ica cumi, umuntu nacacendi, angaya uli uwakaele lino akupingwilwa umulandu kuli Leza?

2 Yamwene 20:3

“We Yawe, si ungala wiusye vino nakuombelanga usaka. Nakutontelanga amanda yonsi. Si angala wiusye vino nezyanga ukucita vyonsi vino wanena kuti incite.” Lyene Hezekiya alila aminsozi nu ulanda ukulu cuze.

Utandiko 6:9

Ilandwe lyapali Nowa lyaya ndi vii. Pakasi ka antu amu nsita ilya Nowa wenga mpo wali umuntu uwacitanga vyawololoke nupya uwaula impwelo mbi. Lyonsi kwene Nowa wapitanga na Leza.

Luka 16:15

Yesu ayanena ati, “Mwemo mukaizifilizya pa manso ya antu lelo Leza wamanya vyaya mu myenzo inu, pano vintu vino antu yakaelenganya ukuti vyacindamisya kunoyali ala ivya winyi pa manso yakwe Leza.

Malango 5:33

Mwayela amasunde yonsi yakwe Yawe Leza winu ndi vino wamupeezile ilamulo, pakuti muye nu umi nupya mukwate ulongo nga mwikale amanda avule mu mpanga ino mulapoka nu kwikala mwenemo.

1 Yamwene 15:5

Cali vivyo pamulandu wakuti Davidi wacisile ivisuma pa manso yakwe Yawe, nupya mu manda yonsi ya umi wakwe wene atakanyile kuyela amalamulo yakwe, suka sile pamulandu onga sile wakwe Uliya umwina Hiti wilya.

Luka 1:7

Lelo yatakweti umwana, pano Elizabeti wali ng'umba, nupya yonsi oili yali akoloci.

Luka 2:25

Ku Yelusalemu kwali umuntu wi zina lyakwe Simeoni. Wiyo wali umololoke nupya wayelanga Leza. Wene walolelanga insita ino Leza angatuula aina Izlaeli, nu Mupasi Wamuzilo wali panoli.

Milimo 2:25

Davidi wavwanzile pamulandu na aliwe ati, ‘Nalolanga Mwene pipi nani nsita zyonsi pasi angansungutizya pano wene ali kwi kasa lyane lilunji.

Milimo 8:21

Utakweti imbali nanti wankanyo mu mulimo witu, pano mwenzo wako usi wololoke pa manso yakwe Leza.

Loma 8:4

Leza wacisile cico pakuti vino Masunde yalondanga ukuti antu yacite vifikiliziwe ningo munotuli swe muno tusyalondela ivya untunze lelo tukatungululwa na Mupasi Wamuzilo.

2 Milandu 17:4

Watumikilanga sile Leza wa cikolwe cakwe nu kuyela amalamulo yakwe, ukwaula ukulondela ivicitwa vyakwe yamwene aku Izlaeli.