Loma 9:14 - Amazwi Yakwe Leza 2013

¹⁴ Uzye lyene tumati uli? Uzye Leza uwa lufyengo? Awe cipelele kutali.

Loma 9:14 Referans Kwoze

2 Milandu 19:7

Acino muye antu ya coopo kuli Yawe. Mwasakamala imilimo inu pasi pano Yawe Leza witu asizumilizya ulufyengo nanti akasoozi nanti amafukakanwa.”

Masamu 145:17

Yawe umulungami umu nzila zyakwe zyonsi nupya uwa luse umu vicitwa vyakwe vyonsi.

Malango 32:4

“Yawe ali kacingilila winu uwamaka, ivicitwa vyakwe vyaya ivifumaluke nupya visi vyalufyengo. Leza winu uwakutailwa nupya uwacumi wene akacita sile ivilungame ivisi vyakutitikizya.

Umbwilo 16:7

Lyene nuvwa izwi likuti, “We Mwene Leza wa maka onsi! Upinguzi wako uwa cumi nupya usi walufyengo!”

Masamu 92:15

Yene ilalanga ukuti Yawe wakwata ulungi. Wene lili cele lyane nupya munoli mutaya ui.

Yobo 8:3

Uzye Leza angakana uli ukucita ivilungame? Uzye Leza Wamaka yonsi angayonganika ivilungame?

Utandiko 18:25

Cumi utangonona antu akacita vyawololoke pamwi na ankota. Citangaya, wemo utangacita cico. Ndi avino ungacita, ale lyene antu akacita vyawololoke yangavunukilwa kumwi na ankota. Awe, citangaya! Kapingula wa antu amu nsi yonsi asi uwalufyengo.”

Loma 3:1

Uzye lyene Ayuda yaluta Akulukuwa? Nanti uzye muzano cii uwaya mu kusilamulwa?

Loma 2:5

Lelo wakoma umwenzo, nupya usyalonda kuzenzuka. Caleka ukaitulikila sile ukali wakwe Leza uno alalanga pa Wanda wa upinguzi wakwe wa cumi.

Yelemiya 12:1

Yawe nemo nga natuula umulandu kunuli, awewe ukalungamika. Lelo nemo indi na cimwi icakuuzya kunuli, pamulandu nu ulungami. Uzye kwene icani cino antu aipe nayo yakalolela ulongo? Uzye pacani cino incenjezi zya antu zikaikalila ku matwi cele?

Yobo 35:2

“Uzye icisuma kuti wemo uvwange ukuti wewe mulungame nu kuti wewe wakaele kuli Leza?

Luka 20:16

Aliza akome alimi yao, nu kupeela icalo ca matingi ku alimi yauze.” Lino antu yuvwile cii, yavwanga yati, “Citanga ciye vii awe!”

Loma 2:11

Pano Leza ataya na kasoozi.

Loma 9:30

Uzye lyene tumati uli? Katuti, Akulukuwa yatalondanga kuicita kuya aololoke pa manso yakwe Leza, lelo yaweni ukuti Leza angayacita kuya aololoke pa manso yakwe mu utailo.