Loma 8:34 - Amazwi Yakwe Leza 2013

³⁴ Uzye lyene aweni angayavunuka? Vino Leza umwisikulu wati yasi na mulandu. Klistu Yesu wino uwafwile, nupya uwazyukwike kufuma ku mfwa, wino ndakai wikala kwi kasa lilunji lyakwe Leza, akutupapatila kunoli.

Loma 8:34 Referans Kwoze

Ayebulai 7:25

Acino na ndakai kwene wene akweti maka akutuula yao akaiza kuli Leza kupitila munoli. Pano wene uwa umi manda pe pa kuyapapatilako kuli Leza.

Loma 8:27

Na Leza wino aakalola mu myenzo ya antu akamanya cino Mupasi akulonda kuvwanga, pano Mupasi Wamuzilo akapapatila mu musango uno Leza akalonda.

1 Petulo 3:22

Ndakai Klistu waya kwiyulu kuno atenzi kwi kasa lilunji lyakwe Leza, nupya akuteeka pa angeli, na maka yonsi amwiyulu.

Ayebulai 9:24

Pano Klistu atingile mu Ncende Yamuzilo ino iyapangwa nu muntu, nupya ino iyali ukukolanya kwakwe iyo ya cumi. Wene wingile mwiyulu kwene muno ndakai ali pamwi na Leza kuti atwazwa.

Loma 8:1

Ndakai pasi kuvunukwa kuli yano ailundanya kuli Klistu Yesu.

Mako 16:19

Pacisila lino Mwene Yesu wavwanga kunoyali, asendwa kwiyulu kupela, aikala kwi kasa lilunji lyakwe Leza.

Kolose 3:1

Mwemo mwazyukwilwe pamwi na Klistu nu kuya nu umi. Caleka ikini myenzo inu pa vintu vino vili mwiyulu, muno Klistu atenzi pa cilimba cakwe kwi kasa lilunji lyakwe Leza.

Ezaya 53:12

Ali mulandu kwene uno nani ndamuteka pamwi apa cindame, apakasi ka yacindami nupya a maka. Pano umweneco kwene uwayazumilizye ukuti yangamukoma nu kuti yamucitile icili conga ni ntalanganyi. Fwandi aliwe wasungutile pali yakaifya avule apakuyapapatilako apa kwifya kwao.

Masamu 109:31

Yawe akavwangila umupina, nu kumupususya kuli yao akamupingwila ukufwa.

Umbwilo 1:18

Nene mumi! Nafwile, lelo ndakai indi nu umi manda pe. Nakwata mfungulo zya mfwa ni zya kuzimo.

Loma 14:9

Pamulandu kwene uu Klistu wafwile nu kuzyukuka kufuma ku mfwa, kuti aye Mwene wa afwe na aumi.

Loma 4:25

Leza wapile Yesu kuti afwe pamulandu wa maifyo itu, nupya uwamuzyukwile kuti aye nu umi, pakuti atucite kuya aololoke pa manso yakwe.

Yelemiya 50:20

Umu manda yaya na pa kasita kaka, mu mpanga yakwe Izlaeli mutalaya uyi foo, ni mpanga yakwe Yuda mutalaya inkota foo. Pano insyazi izilasyalako, ndaziyelela uluse.” Ivyalanda ne Yawe.

Masamu 37:33

Umwene nawe, atange aezye ukumusya wenga umu makasa yakwe umweneco, nanti ukumupeela umulandu umu cilye.

1 Petulo 3:18

Pano Klistu umwisikulu wafwile lyonga sile pamulandu wa maifyo itu. Wene wali uwakaele pa kufwila yakaifya, pakuti amutungulule kuli Leza. Wene wakomilwe, lelo aya nu umi ku mupasi.

Ayebulai 1:3

Kuyengesa kwa lulumbi lwakwe Leza kukaloleka muli aliwe, nupya wene atapusana na aliwe mu mwata wakwe. Wene walemelela vintu vyonsi kwi zwi lyakwe lya maka. Pacisila cakuswefya antu kufuma ku maifyo, wene waile aikala kwiyulu kwikasa lilunji lyakwe Leza wa maka yonsi.

Loma 14:13

Caleka lyene tute kupingulana. Lelo mu cifulo cakwe cii, tulinzile kuntacita cingalenga munyonko aponele mu kwifya.

Yoane 16:23

“Pa wanda ulya, mutalanguzya pamulandu wa cintu cili consi. Nkumunena cumi vino Tata alamupeela consi cino mulamulenga mwi zina lyane.

Yoane 14:19

Pa kasita kanono antu amu nsi yatalandola, lelo mwemo mulandola. Ndi vino nemo ndi nu umi, namwe kwene mulaya nu umi.

Mateo 20:28

wakwe vino Mwana wa Muntu atizile kuti atumikilwe, lelo kuti atumikile yauze nu kupeela umi wakwe kuti akulule antu aingi.”

Yobo 33:24

Umungeli angatezela alwale yayo nu kuyapapatila ati, Yapususyini kuti yatafwa. Natinzana inzila yakuyakulwilamo.’

Yobo 34:29

Ale lelo tuti Leza ndi cakuti atakasi ukuyaasuka, uzye kungaya uwakumusokonsya? Nanti ndi cakuti wene wavimba apa manso, uzye kungaya uwakumulola? Kusi!

Ezaya 50:8

Ala nemo kavwangila wane ali mupipi, aweni fwandi angandololwesya? Katwimilile nawe apali ponga. Uzye similandu unji aweni? Kapalame kunondi tuvwe.

Milimo 2:24

Lelo Leza wamusapwile ku kuwaika kwa mfwa, wamuzyukwile kufuma ku afwe, pano imfwa yaposiwe kumucimvya.

Mpendwa 7:15

Alino na kacipambasi konga, na suuku wenga, nu mwana wa mfwele wenga wa mwaka onga. Vyonsi vii vya wila wakoca.