Loma 8:26 - Amazwi Yakwe Leza 2013

²⁶ Mu musango uli onga kwene Mupasi Wamuzilo nawe akatwazwa, swe muno tuli atonte. Pano tutamanyile vino tulinzile kupepa. Lelo Mupasi Wamuzilo umwisikulu akatupapatila kuli Leza mu musango uno utangalondololwa.

Loma 8:26 Referans Kwoze

Mateo 10:20

Pano mazwi yano mulavwanga yatalaya mazwi inu, lelo yalafuma kuli Mupasi Wamuzilo.

Efeso 6:18

Mwacita vii vyonsi mu mapepo, ala mukuuzya Leza kuti amwazwe. Pepini lyonsi, ndi vino Mupasi Wamuzilo akumutungulula. Muye apempukile, nupya aula kunenuka. Nsita zyonsi mwapepela antu yakwe Leza onsi.

Galatiya 4:6

Leza watumile Mupasi wa Mwana wakwe mu myenzo itu, pakusininkizya ukuti sweswe ana yakwe, Mupasi wino akati, “Abba, Tata wane.”

Yoane 14:16

Nani ndapepa kuli Tata, nawe alamupeela kaazwa muze, kuti aikale namwe manda pe.

Efeso 2:18

Muli Klistu, swensi kwene Ayuda na Akulukuwa tungapalama kuli Tata kupitila mu Mupasi onga kwene.

Loma 8:15

Pano Mupasi wino Leza wamupeela asi mupasi wakumucita azya nu kumucita intete. Lelo Mupasi akamucita ukuya ana yakwe Leza nga nu kupitila mu maka yakwe, tukalilila Leza tuti, “Tata, Tata!”

Masamu 6:9

Yawe watatezya kuno nkumupapata, Yawe watapokelela ipepo lyane.

Ayebulai 4:15

Simapepo witu Mukulu asi umwi wino atange atuvwile luse pa utonte witu. Tukweti Simapepo Mukulu wino weziwe mu misango yonsi ndi vino naswe tukaeziwa, lelo wene atifizye.

Yakobo 4:3

Nupya lino mukamulenga musyapeelwa, pano mapange inu aipe. Mwemo mukalenga vintu vya kuizanzya mweisikulu.

Loma 15:1

Swe muno twakoma mu utailo twaazwilizya yano atali yakome pakuti yaposya mu macuzi yao. Tutacita vyakutuzanzya sweisikulu.

Luka 22:44

Mu kunyunguluka kukulu cuze apepa ukuluta, ala ni yevu lyakwe likutonela pansi kwati amamata akulu a wazi.]

Zakaliya 12:10

“Ana yakwe Davidi na ina Yelusalemu nemo ndayapeelesya amano akukwatisya uluse, na mano akumpepesya wakwe cimwi. Yalatamba umwi wino yatulinkinye icanzo, yalamulosya vivi kwene ndi vino yakalosya umwana umonsi uwavyalwa wenga mpo. Yalamulosya kwati antu afwililwe umwana wao umonsi uwi yeli.

2 Kolinto 5:4

Swemuno tuli mu mutanda uu tukanyomelwa nupya tukateta. Tusyalonda kusya mili ino ilafwa, lelo tukalonda kuzwalilapo yuze ino italatala ifwe. Pakuti icikafwa cizimiwe ni cisyafwa.

Masamu 10:17

We Yawe, uluvwa amapepo yakwe yao aicefya. Nawe ulayakomelezya.

2 Kolinto 5:2

Lino tucili pano pa nsi, tukateta pano tukulonda kwikala mu wikalo ulya uwa mwi yulu.

Mateo 20:22

Lelo Yesu ayanena ati, “Mutamanyile cino mukulenga. Uzye mungamwa mu lwako lwa ucuzi luno nasya imwemo?” Nao yaasuka yati, “Tungacita.”

Masamu 102:5

Pasi pakutetateta, natinonda nsile mafupa yatupu.

Masamu 6:3

Umwenzo wane pasi pakunyongotoka. We Yawe, uzye vikwene vimacitika mpaka ukufika lilaci?

Ayebulai 5:2

Simapepo Mukulu wakwata utonte mu misango iingi. Acino wene akaezya ukutontela antu atutu nupya yano akaponga.

Loma 7:24

Owee! Ne mulanda! Uzye aweni amankulula ku mwili uno ukuntwala ku mfwa?

Masamu 69:3

Natintonta wakwe cimwi muno nkulaizya inti, “Ntuulwe!” Uku nsingo nako kwatikuuma. Amanso nayo yati yasuka iyatumbuka muno nkukulolekesya kuti wize untuule.

Masamu 102:20

apa kuvwa vino azya yakuteta, na pakutuula yayo yano walanga yapingwilwa ukufwa.

Yobo 37:19

We, ukulonda tuvwange vyani pali Leza? Swemo amano yatala yacepa, ivyakulunda penepo, pasi.

Nyimbo zya ndosya 3:56

Nawe uvwile kunondi lino napapasile kuti uvwe impooma yane.