Loma 6:21 - Amazwi Yakwe Leza 2013

²¹ Uzye umuzano cii uno mwazanyile mukucita vintu vino ndakai vikumuletela insonyi? Ala icikafumamo, imfwa!

Loma 6:21 Referans Kwoze

Loma 1:32

Nanti angala yamanya vino Leza wapingula ukuti antu akacita vii yalinzile ukufwa, lelo ala yakutwalilila kuvicita, yalundapo nu kukomelezya yao akavicita.

Loma 7:5

Pano lino twikalanga mu untunze, Masunde yakatwisye vilondwa vya mili itu viipe nu kuleta imfwa.

Loma 6:23

Pano malipilo yi ifyo, imfwa. Lelo uwila wakwe Leza umi wape muli Klistu Yesu Mwene witu.

Mapinda 14:12

Kwaya inzila imwi ino ikaloleka ngi isuma ku muntu, lelo impela yakweyo imfwa.

1 Yoane 2:28

Endi, mwe ana mwe ikalini mu utandano na aliwe, pakuti lino alaloleka swemo tuce tupame kwaula kuya ni nsonyi pa Wanda wa kwiza kwakwe nupya.

Ayebulai 6:8

Lelo musili ndi wamezya myunga ni vikona wene ale utakweti mulimo nupya uli mu uzanzo wa kutipwa na Leza. Nga ulononwa ku moto.

Loma 8:13

Pano ndi mukwikala mu untunze, mulafwa. Lelo ndi mwacimvya vilondwa vya mili inu, ku maka yakwe Mupasi Wamuzilo, ale lyene mulaya nu umi.

Loma 8:6

Kutungululwa ni vilondwa vya mwili ukuiletelela imfwa, kutungululwa na Mupasi Wamuzilo kwene kukatuletela umi nu mutende.

Danieli 12:2

Aingi muli yayo afwa mpiti yalazyukuka: yamwi uku umi wa pee, yamwi nayo ku kupupana kwa pee.

Yelemiya 17:10

Nene ne Yawe nkaceceta umwenzo wakwe cila muntu, nu kwezya amano yakwe. Nkapeela na cila wenga ukulingana ni micitile yakwe, ukulingana ni milimo yakwe ino akacita.”

Umbwilo 20:14

Lyene imfwa ni cifulo ca antu afwe vyoili visumbwa muli yemba wa moto. Yemba kwene wii uwa moto, ili imfwa yakwe ciili.

Umbwilo 16:6

Yene yazwisizye uwazi wa antu yakwe Leza nga na yakasema. Caleka watuyapela uwazi kuti yamwe. Yene yapokelela kulingana ni milimo yao.”

1 Petulo 4:17

Insita yakutandika upinguzi yatifika nga antu yakwe Leza ayano yalatandika kupingulwa. Upinguzi wakwe Leza ndi watandika munotuli, uzye lyene mpelelekezyo ya upinguzi ilaya uli kuli yao asyayela Ilandwe Lisuma kufuma kuli Leza?

Yakobo 5:20

Iusyini ukuti wino wensi uwawezya kaifya kufuma ku viponge vyakwe ala wene alamutuula kufuma ku mfwa nga nu kuleka kuti aelelwe maifyo yakwe aingi.

Yakobo 1:15

Lyene kulonda kwakwe kwa nkota kulamulenga kwifya. Kwifya nako ndi kwakoma kulaleta imfwa.

Ayebulai 10:29

Uzye lyene citalalusya ku muntu wino akusula Mwana wakwe Leza? Nu ku muntu wino akalola wazi wa upangano wakwe Leza kwati cintu casilesile uno wamuswefya ku ui? Nu ku muntu wino akatuka Mupasi wino akuleta cikuku? Elenganyini kwipisya kwa kuvunukwa kuno wene alavunukwa!

2 Kolinto 7:11

Mulole vino Leza wacita pa ulanda kwene uu, wamulenga kuya amukozya, nu kulenga musininkizye ukuti mwemwe yakaele, wamulenga kusoka, wamulenga kuvwa intete nu kulondesya kundola, wamulenga kuti muvunuke muntu pa kuluvyanya kwakwe. Vii vyonsi vikulanga paswe kuti mwemwe yakaele.

Ezekelo 43:11

Nga ndi cakuti yuvwa insonyi pali vyonsi vino yacita, lyene uleke yamanye imilolekele ya Ng'anda ikulu yakwe Leza, impongolo zyaiko zyakwingililamo nu kufumilamo, ni milolekele yakweyo yonsi kumwi ni mikuulilwe. Uyalondolwele na masunde yakweyo yonsi kumwi na malamulo. Uyalembe apakuti yene yangalola utantiko wakwe vyonsi nu kulondela amalamulo yayo.

Yelemiya 31:19

Nakusangukila, lelo lyene natinzenzuka. Nintezya, nkuyuma na pa cifuwa. Ni nsonyi zyandema nu kuzewana, muzewanya wa wance uli pali nene.’

Yelemiya 12:13

Antu yane yatovya ingano, lelo yamazombola sile ivikona. Yaombesya apa maka, lelo yaicuzya sile. Apa mulandu ni cipyu cane ivyakulya vyakana.”

Yelemiya 8:12

Insonyi zilinzile kuyalema apa vicitwa vyao iviipe, ivya lupato. Lelo camupamba yene yasyauvwa insonyi, awe. Icaleka fwandi yalapona pamwi na ali nu kupona. Lelo ndiza njavunuke, yalasumbwa pansi.’ ” Ivyalanda ne Yawe.

Yelemiya 3:3

Uli mulandu uno ni mvula isikutonyela. Ni yamooko kwene ali cino itowike. Lelo wemo wakamuka wa mwanaci cizelele, utakwata ni nsonyi.

Ezaya 3:10

Antu akacita ivyaololoke yene cilayazipila. Yalailyokezya ivizao vya milimo yao.

Mapinda 16:25

Kwaya inzila ino yamwi yakaelenganya ukuti isuma, lelo pakusyalikizya ikatwala ku mfwa.

Mapinda 1:31

Ale fwandi mulalya vino mwazombwile mweisikulu umu misango inu nu kwikuta amapange inu mweisikulu.

Masamu 73:17

Nasusile naya ningila umu Ng'anda ikulu yakwe Leza, alino niluka, namanyanga nakuno aipe yalapelela.

Yobo 42:6

Ali cino fwandi nawezya umuvwango wane onsi. Naiswela ulukungu ni itwi, apakulanga ndi vino lyene nazenzuka.”

Yobo 40:4

“Amazwi yano natimvwanga, akuzaila sile we Leza. Uzye fwandi ivyani vino nemo ningavwanga? Nemo ningika sile ulupi lwane apa mulomo, ulupi lwane apa kanwa, casila.

Ezila 9:6

Alino mpepa inti, “We Leza wane, insonyi nu ulanda vyandesya ukusanzula amanso kunuli, Leza wane, pamulandu wakuti amaifyo itu yavulisya cuze ukuluta imitwe itu. Icumi kwene uyi witu wavulisya wakwe cimwi ukufika nu kwiyulu.

1 Yamwene 2:26

Lyene umwene anena simapepo Abyata ati, “Swilila ku vyalo vyako ku Anatoti. Wemo ulinzile ukufwa, lelo ndakai ntakukukoma awe, pamulandu wakuti wasunganga Mbokosi ya Upangano yakwe Yawe Simwandalali lino wali pamwi na tata Davidi nu kukumako ku ntazi zyakwe zyonsi.”

Malango 21:22

“Ndi cakuti umuntu umwi yamukoma pa nkota zyakwe nga nu mwili wakwe yautana pa cimuti,

Malango 17:6

Lelo kwene pakuti mumutame na mawe afwe, palinzile paya ya kambone yaili nanti ukuluta penepo, akumusinila. Mutalinzile ukumutama na mawe mpaka afwe ndi cakuti kambone waya wenga sile.

Filipi 3:19

ukuti antu yaa yalasumbwa kuzimo! Yene yakapepa inda zyao nu kuitumika pa vintu vino yalinzile ukuuvwa insonyi. Yene yakaelenganya sile pa vintu vya muno nsi.

Yobo 33:27

Cila wenga alalanda apaswe ati, ‘Nati niifya nu kucita ivitalinzile ukucita, lelo Leza wene wantekelela.

Loma 5:12

Iifyo lingile muno nsi pamulandu wa muntu wenga, nga ni iifyo lyakwe ilyaleta imfwa. Caleka, imfwa nayo yasalangine mu antu yonsi pano antu yonsi iifizye.

Loma 6:16

Na limwi mutamanyile vino ndi mwaipela mweisikulu kuya azya yakuyela umuntu umwi, ala mu cumi mwemwe azya yakwe wino mukayela. Acino ndi mwaipela ku maifyo ale mumaya azya ya maifyo, na maifyo yakaleta imfwa. Ndi mwaipela ku kuyela Leza, ale kuyela kwinu kumamulenga mwikale umi wakucita vyawololoke pa manso yakwe.

2 Kolinto 4:2

Swemo tusyacita vintu vya nsonyi vino vikacitwa mu nkama. Caleka tusyacita vya usomvi nanti kupililika Ilandwe lyakwe Leza. Leza ali kambone witu ukuti vino tukulanda vyene ivya cumi. Caleka antu yauze muli yakampingu yao yangasininkizya ukuti sweswe yakutailwa.