Loma 4:15 - Amazwi Yakwe Leza 2013

¹⁵ Kuntayela Masunde kukaleta ukali wakwe Leza! Lelo ukusi Masunde kutangaya kuntayela.

Loma 4:15 Referans Kwoze

Loma 5:13

Iifyo lyali muno nsi ala Masunde yatali kuti yapelwe. Lelo kutali ivyalemvilwe pa lwa maifyo, pano kutali Masunde.

Galatiya 3:10

Muntu akaikalilila mukuyela Masunde ala wene ali mu citipu. Pano calembwa mu malembelo cati, “Wino wensi asyayela pe vyonsi ivyalembwa mu lupapulo lwa Masunde ala wene umutipwe!”

1 Kolinto 15:56

Luoya lwa mfwa iifyo, na maka yi iifyo Masunde.

Galatiya 3:19

Uzye lyene Masunde yakwata mulimo cii? Masunde yapilwe pakuti yatulange vino tukaifya, lelo yali akuti yaomba kufika nu kukwiza kwa cizikulula cakwe Abulaamu wino ulayo wapilwe kunoli. Angeli ayano yalesile Masunde ku muntu uwali nu mulimo wakukundanya.

Yoane 3:36

Wino wensi akataila Mwana wene ali nu umi wape. Lelo wino wensi asyayela Mwana wene atalaya nu umi. Ukali wakwe Leza ulaya panoli.

1 Yoane 3:4

Wino wensi akaifya wene ali nu mulandu wakuvuna masunde yakwe Leza, pano ukwifya kuli kuvuna masunde.

Efeso 5:6

Mutaleka umuntu umwi amusombe na mazwi auwelewele, pano pamulandu wa vintu vii ukali wakwe Leza ukwiza pali yao asyamuyela.

Yoane 15:22

Ndi ntizile mvwange kunoyali, nga yasi nu mulandu wa kwifya. Lelo ndakai kusi kuno yangaleukila pa maifyo yao.

Zefaniya 1:18

Siluva wao wensi na zaabu wao wensi, vilaposiwa ukuyapususyako pa wanda uno Yawe alayafokela ukali ukali. Icipyu cakwe cino cilalunkuma wa moto, cilonona insi yonsi, pasi pano mukupumikizya wene alalovya antunze yonsi aikala pano nsi.

Ezekelo 7:19

Zaabu wao ni mpiya zyao yalavisumba mu miseo yamu musumba kwati ivyausali, pano impiya na zaabu vitangalola ukuyatuula pa nsita ino Yawe Leza ali ni cipyu. Vitangalola umusango wakuyatuusizyamo ku nzala. Vingalesya nu kuikusya, pano zaabu ni mpiya ali vintu vino vyayalenganga ukwifya.

Kolose 3:6

Pamulandu wa vintu vya musango uu, Leza alaya nu ukali pa antu yano asyamuyela.

Loma 1:17

Pano Ilandwe Lisuma likasokolola vino Leza akapindulula umuntu kuti aye mololoke, apa kukwata utailo kufuma ku kutandika kufika nu ku mpelelekezyo. Ndi vino malembelo yataka, “Muntu wino Leza wacita ukuya mololoke pa utailo wakwe wene alaya nu umi.”

Nyimbo zya ndosya 2:22

Awewe waamile anisi itu apakuti yize yatoofya monsi monsi. Wemo wacisile ungati watuyama uku maliila. Apa wanda uno wasosile kutali nanti wenga wino wapuusile nanti uwasiile, awe. Yene yakomile ana yane, yano nakuzizye nu kuyatemwa.

Yelemiya 4:8

Acino zwalini ivyakuzwala vya ndosya, mulile nu kupomola impooma, pano ukali wakwe Yawe pali sweswe utalatala usile.”

2 Yamwene 22:13

“Pitangini mukanguzizye kuli Yawe, muzizye na aikazi amu Yuda yonsi apamulandu na masunde yano yali umu lupapulo luu. Icumi kwene Yawe watusokela sana apamulandu wakuti ivikolwe vitu vino vyatukolelela vitacitanga ivikalondekwa ukulingana ndi vino twazana umu lupapulo luu.”

Mpendwa 32:14

Mwalola lyene mwe ntalanganyi mwe! Mwapyanikizya pali yaso. Mwalundapo na pa cipyu cakwe Yawe cino wakwatile aina Izlaeli lili.

Umbwilo 19:15

Lupanga lukali cuze lwafumile mu mulomo wakwe, luno wene alacimvizyako antu amu nko. Wene alayateeka ku nsonzo ya cela. Wene alafena matingi mu ciwina ca kufenelamo matingi a cipyu nu ukali wakwe Leza wa maka onsi.