Loma 4:14 - Amazwi Yakwe Leza 2013

¹⁴ Pano ndi cintu cino Leza walaya cili nu kupelwa kuli yao akayela Masunde, ale lyene nu utailo utakusenula cimwi, nupya ale nu ulayo wakwe Leza uwasilesile.

Loma 4:14 Referans Kwoze

Filipi 3:9

nu kuilundanya cuze kunoli. Ndakai ntakweti wololoke ukaiza pa kuyela Masunde. Lelo wololoke uno nkweti ukaiza kupitila mu kuya nu utailo muli Klistu, uno ukafuma kuli Leza nupya wimikwa pa utailo.

Ayebulai 7:28

Masunde yakwe Mose yakasonta antu asi yafumaluke kuti yaye yasimapepo akulu. Lelo ulayo wakwe Leza uno wene wacisile nu mulapo wizile cisila ala Masunde yakwe Mose yapeelwa, wene wasonta Mwana. Mwana wacitwa mufumaluke manda pe.

Ayebulai 7:19

Pano Masunde yakwe Mose yatalenzile muntu kuya mufumaluke. Ndakai twapelwa upaalilo usuma cuze nupya wene ungatupalamika kuli Leza.

Galatiya 2:21

Nemo nsizumila kukana cikuku cakwe Leza, lelo ndu muntu akacitwa kuya mololoke pa manso yakwe Leza pakuyela sile Masunde ale lyene cikusenula ukuti cali icasilesile ukuti Klistu afwe.

Loma 4:16

Acino ulayo wemelela pa kutaila Leza, pakuti Leza afikilizye ulayo pa kuya nu luse ku vizikulula vyakwe Abulaamu vyonsi. Asi sile kuli yao akuyela Masunde, lelo na kuli yao akataila ndi vino Abulaamu wataile. Pano Abulaamu ali cikolwe citu swensi,

Loma 3:31

Uzye lyene tungati pa utailo kwene uu twafutatila Masunde? Awe, cisi vivyo! Mu cifulo cakwe cii, tukakomelezya kuyela Masunde.

Ezaya 55:11

ali vino ni zwi lyane nalyo lisiweluluka kunondi, suka lyatala lyacita vino nkulonda, lyamalila nu mulimo uno nalitumile.

Galatiya 5:4

Mwe muno mukaezya kucitwa kuya aololoke pa manso yakwe Leza pa kuyela Masunde, mwaipaatula kuli Klistu, nga nu ku cikuku cakwe.

Yelemiya 19:7

Mu cifoloma kwene cico ali muno navulunginye amapange ya antu aku Yuda na aku Yelusalemu. Namaleka ukuti anisi yao yayacimvye umu nkondo, nu kuyakoma ali muno yayakomele. Namaleka ukuti ivyunyi ni vinyama vya mpanga ali vino vyalya ivyala vyao.

Masamu 119:126

We Yawe, insita yatifika yakuti ucitepo cimwi, pamulandu wakuti antu yasikuyela amasunde yako.

Mpendwa 30:15

Lelo ndi cakuti iya wiza wapasa icilayo cico lino uwanda watiupita, ale lyene aliwe wakwata umulandu pa muci wakwe.

Mpendwa 30:12

Lelo ndi cakuti iya wiza uvwa vino cali, nga amulesya kufikilizya imilapo iyo kumwi nu kupeela cakwe kamukole, lyene ale ali ni nsambu ya kupasa imilapo ino walavile nanti cimwi cino wali nu kupeela cakwe kamukole, apaula ukwelenganya ningo. Yawe nawe alamwelela, pamulandu wakuti iya watamulesya kufikilizya icilayo cakwe.

1 Kolinto 1:13

Uzye Klistu wankanyiziwa? Uzye Paulo uwafwilile mwemwe pa lupanda? Uzye mwemo mwawatiziwe mwi zina lyakwe Paulo?