Loma 3:30 - Amazwi Yakwe Leza 2013

³⁰ Leza a wenga, nupya alacita Ayuda kuya aololoke pa manso yakwe kupitila mu utailo wao. Na Akulukuwa nao kwene alayacita kuya aololoke pa manso yakwe kupitila mu utailo wao.

Loma 3:30 Referans Kwoze

Galatiya 3:8

Malembelo yasowile ukuti Leza alacita Akulukuwa kuya aololoke pa manso yakwe umwisikulu kupitila mu utailo wao. Acino Leza wanenyile Abulaamu Ilandwe Lisuma lyakuti antu amu nko zyonsi yalapolelelwa pamulandu na aliwe.

Galatiya 3:20

Kwaya sile Leza wenga, nga Masunde nayo yatapilwe kwaula umuntu wakukundanya.

Filipi 3:3

Swemo tusi wakwe alio, pano twasilamulwa mucumi, tukapepa Leza kupitila mu maka yakwe Mupasi Wamuzilo nga nu kuitumika muli Klistu Yesu. Swemo tusyataila vino yakacita ku mili.

Galatiya 6:15

Cisi cimwi ndu muntu angasilamulwa nanti foo. Cikalamba ukuya nu umi upya.

Galatiya 5:6

Pano lino twaya yakwe Klistu Yesu, lyene kusilamulwa nanti kuntasilamulwa kusyalanga kupusana kumwi. Lelo cintu cino mulinzile kusakamala utailo winu ungamulenga kutemwana.

Galatiya 3:28

Caleka pasi upusano pakasi ka Ayuda na Akulukuwa, azya na antungwa, aonsi na anaci. Mwensi mwaya wenga pa kutaila kwinu muli Klistu Yesu.

Loma 3:28

Pano twasininkizya ukuti Leza akacita umuntu kuya mololoke pa manso yakwe kupitila sile mu utailo, lelo asi pamulandu wa kuyela sile Masunde.

Malango 6:4

“Uvwini, mwe ina Izlaeli! Yawe Leza witu, Yawe wenga sile, ali Leza witu.

Loma 2:26

Mukulukuwa wino atasilamulwa ndi akayela Masunde, uzye Leza wene atalamulola wa muntu wiya uwasilamulwa?

Loma 2:27

Acino mwe Ayuda mulavunukwa nu muntu wensi atasilamulwa ku mwili, wino akayela Masunde yakwe Leza. Pano musyayela Masunde nanti angala mwasilamulwa ni sunde mukwetu.

Loma 3:22

Leza akacita antu kuya aololoke pa manso yakwe kupitila mu utailo wao muli Yesu Klistu. Leza akacita vivyo ku muntu wensi wataila muli Yesu Klistu, pano Leza ataya na kasoozi.

Loma 4:9

Uzye ulongo luno Davidi watasile ulwakwe yao sile asilamulwa? Awe, cisi vivyo! Lwene ulwakwe nayauze kwene yao atasilamulwa. Pano twati tuwelenga malembelo akati, “Pamulandu wa utailo wakwe, Leza wazumile Abulaamu kuya mololoke.”

Loma 4:16

Acino ulayo wemelela pa kutaila Leza, pakuti Leza afikilizye ulayo pa kuya nu luse ku vizikulula vyakwe Abulaamu vyonsi. Asi sile kuli yao akuyela Masunde, lelo na kuli yao akataila ndi vino Abulaamu wataile. Pano Abulaamu ali cikolwe citu swensi,

1 Timoti 2:5

Pano kwaya Leza wenga sile, nga kwaya nu wakukundanya wenga sile pakasi kakwe Leza na antu. Muntu wiyo a Klistu Yesu.