Loma 2:9 - Amazwi Yakwe Leza 2013

⁹ Ucuzi nu ulanda vilaponela antu yonsi akacita viipe, inkolelo ku Ayuda alino nu ku Akulukuwa kwene.

Loma 2:9 Referans Kwoze

1 Petulo 4:17

Insita yakutandika upinguzi yatifika nga antu yakwe Leza ayano yalatandika kupingulwa. Upinguzi wakwe Leza ndi watandika munotuli, uzye lyene mpelelekezyo ya upinguzi ilaya uli kuli yao asyayela Ilandwe Lisuma kufuma kuli Leza?

Loma 1:16

Pano nsi na nsonyi zya pi Landwe Lisuma, pano ali maka yakwe Leza akutuula wino wensi wataila, nkolelo ku Ayuda, nga nu ku Akulukuwa.

Ezekelo 18:4

Pano umupasi wa mukwasi, cisi mulandu ndu monsi nanti umwanaci, yonsi iyakwane. Umuntu akaifya aliwe alafwa.

2 Tesalonika 1:6

Leza alacita cisuma pa kuvunuka yao alaleta macuzi panomuli.

Loma 9:24

a sweswe kwene swe muno Leza waama, asi kufuma sile mu Ayuda, lelo nu mu Akulukuwa kwene.

Loma 2:10

Lelo Leza alapeela lulumbi nu mucinzi ku antu yonsi akacita visuma, nga nu kuyapela mutende, inkolelo ku Ayuda alino nu ku Akulukuwa kwene.

Milimo 3:26

Caleka Leza wasolwile muomvi wakwe nu kumutuma kuli mwemwe nkolelo, ku kwiza mupolelela mu kulenga cila muntu afume ku misango yakwe iipe.”

Luka 24:47

nga nu kuti mwi zina lyakwe kuye kukosola ku antu amu nko zyonsi, kutandikila mu Yelusalemu, pakuti yazenzuke nu kuti Leza ayelele maifyo yao.

Kolose 3:11

Kusi upusano pa Akulukuwa nanti Ayuda, musilamulwe nanti asi musilamulwe, mututu, nkakasi, azya nanti antungwa. Lelo Klistu ali vyonsi, wene akaikala muli vyonsi.

Galatiya 3:28

Caleka pasi upusano pakasi ka Ayuda na Akulukuwa, azya na antungwa, aonsi na anaci. Mwensi mwaya wenga pa kutaila kwinu muli Klistu Yesu.

Loma 10:12

Pano pasi kasoozi pa Muyuda nu Mukulukuwa. Pano Leza wene Mwene wa antu onsi, nupya akapolelela antu yonsi yao akamulenga kuti ayazwe.

Milimo 28:28

Paulo atwalilila ati, “Mulinzile kumanya vino ilandwe lyakwe Leza ilya ufyusi lyatumwa ku Akulukuwa. Yene yalalyuvwa!” [

Milimo 28:17

Pacisila ca manda yatatu, Paulo aama intunguluzi zya Ayuda. Lino zyakongana, azinena ati, “Mwe inane! Nemo indi kuno wa munyepwe kufuma ku Yelusalemu. Nanti angala ntasuzile mutundu witu nanti ntambi zino twapokelile kufuma ku vikolwe vitu, napiilwe mu makasa ya ina Loma.

Milimo 26:20

Kutandikila mu Damasiko nu kwiza mu Yelusalemu nga nu mu mpanga yonsi ya Yudeya nga ni ya Akulukuwa, nakosozile ukuti yalinzile kuzenzuka yataile muli Leza, nu kucita ivintu ivyakulanga ukuti yati yazenzuka.

Milimo 20:21

Nasokanga Ayuda na Akulukuwa kwene ukuti yazenzuke ize kuli Leza nu kuti yataile mu Mwene Yesu.

Milimo 13:26

“Mwe inane, mwe amu luko lwakwe Abulaamu, nga namwe mwe Akulukuwa ali pano mwensi, mwe muno mukapepa Leza, akuli sweswe kuno Ilandwe lya ufyusi lyatumwa!

Milimo 11:18

Lyene lino yuvwa vintu vii, yata kupazyanya nawe, lelo yati, “Lyene Leza watapela Akulukuwa isyuko lya kuzenzuka kuti yaye nu umi!”

Mateo 16:26

Uzye umuntu alakwata muzano cii ndi walonka ivyamu nsi vyonsi, lelo waponzya umi wakwe? Awe kusi cimwi! Uzye kuli cimwi cino umuntu angalipa kuti umi wakwe umuwelele?

Amosi 3:2

“Nemo namusolwile mwemwe mwenga mpo pakasi ka mitundu yonsi iya pano nsi. Lyene ndamuvunuka apamulandu wa maifyo inu yonsi.”

2 Milandu 6:23

lyene we Yawe uvwe ukupela kuko kuno wikala, nga ucitepo cimwi nu kupingwila aomvi yako umulandu. Wiyo ali nu mulandu umuvunuke apa uyi wakwe nu wakayele nawe uleke aye umuntungwa.

Masamu 32:10

Umwipe akaponelwa na macuzi aingi. Lelo wiyo uwataila umu Mwene, wene alacingililwa nu kutemwa kwakwe ukwa pe.

Mapinda 11:23

Vino antu asuma yakalondesya vikayatwala uku usuma, lelo ivya antu aipe vyene vikakatusya ukali wakwe Leza.

Ezekelo 22:31

Fwandi nemo ndayafulumila ukali wane nu kuyonona ndi vino umoto ukacita, pakuti nkayafulule pamulandu wa vintu vino yacita. Ivyalanda ne Yawe Simwandalali.”

Loma 8:35

Uzye lyene aweni angatupaatukanya ku kutemwa kwakwe Klistu? Uzye utazi, nanti ucuzi nanti ukuzunyiwa, nanti icipowe, nanti kuulizya? Uzye amazanzo nanti imfwa?