Loma 2:15 - Amazwi Yakwe Leza 2013

¹⁵ Pano micitile yao ikulanga ukuti vino Masunde yakataka ivyalembwa mu myenzo yao. Ni myenzo yao kwene ikasininkizya ukuti vino Masunde yataka ivya cumi, pano limwi melenganyo yao yakayavunuka limwi yakayazumilizya mu kuluvyanya kwao.

Loma 2:15 Referans Kwoze

2 Kolinto 5:11

Twamanya vino cikasenula koopa Mwene, caleka tukaezya kukonkomezya yauze kucita cii. Leza watumanya mu ufumaluke, nupya nkupaalila vino mu myenzo inu naswe kwene mwatumanya.

Tito 1:15

Vintu vyonsi ivisanguluke kuli yao akwata myenzo isanguluke. Lelo kusi cimwi icisanguluke kuli yao akowela nupya atataila. Yene yakwata kwelengenya kukowele ni myenzo yao yakowela.

2 Kolinto 1:12

Tungaitumika pano yakampingu itu yasininkizya kuno tuli ukuti umi witu muno nsi waya uwa cumi nupya uwaula ucenjezi, maka maka lino twali mu utandano namwe. Nupya twatungululwanga na maka acikuku cakwe Leza kuluta kutungululwa na mano ya untu.

Yobo 27:6

Ntalata ukulanda ukuti nemo nkacita vyaololoke, nu kuta intalatala inte ukucita vivyo, awe. Pasi pano kampingu wane asikunenola.’

1 Timoti 4:2

Masambilizyo ali ndi yaa, yakasalanganyiziwa mu usomvi wakwe yakasambilizya yaufi, yano yakampingu yao yafwa, kwati yocewa ni cela cikaye.

Loma 9:1

Nene wakwe Klistu, nkuvwanga cumi, nupya nsikutumpoka. Na kampingu wane wino Mupasi Wamuzilo akatungulula ali kambone wane. Caleka nsikutumpoka apa kuvwanga ukuti,

Milimo 24:16

Caleka nsita zyonsi nkaezya na mano yane kuya na kampingu uwakaele inkolelo yakwe Leza na antu.

Milimo 23:1

Paulo alolekesya amwi Tengo avwanga ati, “Inane, nemo na ndakai mu umi wane nati ntumikila Leza na kampingu musuma.”

Kasambilizya 7:22

Mu mwenzo wako nawe kwene watumanya ukuti watusile antu yauze maila auvule.

1 Yamwene 2:44

Umwene anena na Syimei kwene ati, “Umanyile mu mwenzo wako ukuluvyanya konsi kuno wacisile kuli tata Davidi. Acino ndakai Yawe amakuvunuka pali vivyo.

Utandiko 20:5

Abulaamu umwisikulu uwanenyile ukuti Sala akaci wakwe, na Sala kwene wanena cili cimwi. Namanyile ukuti usi mulandu kumutwala, nupya ntaponzile.”

Yoane 8:9

Nao lino yuvwa cii, yonsi kwene yafuma wenga wenga, kutandika ku mukalamba kufika nu ku munono. Yesu asyala wenga nu mwanaci ala aimi papa kwene.

Loma 2:14

Pano Akulukuwa yatapilwe Masunde lelo mu mikalile yao ya civyalilwa lino yacita vino Masunde yataka, ala aisikulu yakulanga vino Masunde yaya mu myenzo yao nanti angala yatapilwe Masunde yakwe Mose.

Loma 2:27

Acino mwe Ayuda mulavunukwa nu muntu wensi atasilamulwa ku mwili, wino akayela Masunde yakwe Leza. Pano musyayela Masunde nanti angala mwasilamulwa ni sunde mukwetu.