Loma 15:19 - Amazwi Yakwe Leza 2013

¹⁹ mu maka ya vinjelengwe ni vizungusyo, nga nu mu maka yakwe Mupasi Wamuzilo. Acino mukupita ulendo kufuma ku Yelusalemu kufika ku Ililikumu, nasalanganya Ilandwe Lisuma lya pali Yesu Klistu.

Loma 15:19 Referans Kwoze

2 Kolinto 12:12

Vinjelengwe nga ni vizungusyo vingi vino vikasininkizya ukuti nene mutumwa vyene vyacisilwe pakasi kinu mu kuteeka kwa myenzo.

Ayebulai 2:4

Leza walunzileko umboni wakwe pakucita vinjelengwe ni vizungusyo vya misango yonsi nu kupeela mawila ya Mupasi kulingana nu kulonda kwakwe.

Galatiya 3:5

Uzye Leza akamupeela Mupasi Wamuzilo nu kuomba vinjelengwe pakasi kinu pamulandu wakuti mukayela Masunde, nanti pamulandu wakuti muvwa nu kutaila Ilandwe?

2 Timoti 4:17

Lelo Leza wene atantazyezile, nupya wampile maka kuti nkosole ilandwe limalilike ku Akulukuwa yonsi kuti yuvwe. Nupya nakulwilwe ku upinguzi wa kufwa.

Milimo 20:6

Twapisile mu wato kufuma mu Filipi pacisila ca kuzevya. Cimulo ca mukate usi na citutumusi, na pacisila ca manda yasano twakomenkine mu Tuloa, amuno twikala mulungu onga.

Milimo 17:10

Zuwa lino kwafita, aina yatuma Paulo na Sailasi ku Belea. Lino yafikako, yaya ku ng'anda yamapepo ya Ayuda.

Milimo 20:20

“Mumanyile ukuti ntafisile cimwi icingaya ica kumwazwa lino nakosozile nu kusambilizya pa lwalala nu mu mang'anda inu.

Milimo 19:1

Lino Apolo wali mu Kolinto, Paulo apita ukusalala mpanga pakasi aiiza ku Efeso. Kuko azanako alondezi yamwi nga

Milimo 18:19

Lino yafika mu Efeso, Paulo asya Pulisila na Akwila. Alino aingila mu ng'anda ya mapepo nga apazyanya na Ayuda.

Milimo 18:1

Pacisila ca vintu vii, Paulo afuma ku Atena aya ku Kolinto.

Milimo 17:15

Antu asukilile Paulo yamufisizye ku Atena. Alino yaswilila ku Belea na mazwi yano Paulo wayatumilizye akuti Sailasi na Timoti nao yaye zuwa kunoli.

Milimo 16:18

Wacisile vii pa manda aingi, asuka Paulo aaziwa cuze mu mano nga aseleuka anena mupasi wankota ati, “Mwi zina lyakwe Yesu Klistu nakunena ukuti ufume mu muntu wii!” Alino pa kasita kwene kaka mupasi wankota ufuma munoli.

Milimo 15:12

Onsi akongine yaya cele lino yakuuvwa kuli vino Banaba na Paulo yalandanga, pamulandu wa vilangililo nga ni vizungusyo vino Leza wacisile pakasi ka Akulukuwa kupitila munoyali.

Milimo 14:25

Alino yakosola ilandwe mu Pelige nga yaya ku Ataliya.

Milimo 14:20

Lelo lino ataila iiza yamuunganila, Paulo akatuka aswilila mu musumba. Uwanda walondelela wene pamwi na Banaba yafumako yaya ku Debe.

Milimo 14:10

alaizya ni zwi likulu ati, “Katuka imilila!” Alino umuntu wiyo akatuka, atandika kupita.

Milimo 14:6

Lino atumwa yacimanya, yutukila ku Lisitala na Debe, misumba yaku Likoniya alino nu ku mpanga zyazingulwikeko.

Milimo 13:51

Atumwa nao yakunta lukungu lwa ku ngazo zyao kuya umboni kuno yali, yapita ku Ikoniamu.

Milimo 13:14

Kufuma ku Pelige yapitilila yafika ku Antioki wa Pisidiya. Pa Sabata yaya iingila mu ng'anda yamapepo, ikala pansi.

Milimo 1:8

Lelo lino Mupasi Wamuzilo aliza panomuli, mulazuziwa na maka, mulaya yakambone yane mu Yelusalemu, mu Yudeya na monsi mu Samaliya, nga nu kufika na kuno insi yapela.”

Yoane 4:48

Yesu nawe amunena ati, “Kusi umwi uwa munomuli angataila, suka ndi walola vilangililo ni vizungusyo.”

Mateo 12:28

Lelo ndi cakuti nkafumya mipasi yankota mu maka ya Mupasi wakwe Leza, ale lyene Uwene wakwe Leza wati wiza panomuli.

1 Petulo 1:12

Leza wasokolwile kuli yakasema yaa ukuti mulimo uno yene yaombanga utali wakuyazwa aisikulu. Lelo wakwazwa mwemwe. Yene yakosozile vintu vii kunomuli mu maka yakwe Mupasi Wamuzilo, wino Leza watumile kufuma kwiyulu. Angeli nao kwene yakalondesya kumanya vintu vii.

Kolose 1:25

Leza uwancita kuya muzya wi uvi, nupya uwampile mulimo uu pamulandu winu kuti mbombe nde nkosole izwi lyakwe.

Loma 15:24

nkupaalila kucita cii pali ndakai. Ningatemwa kuti nize mulole twikale namwe pa nsita imwi lino ndapita kuya ku Sipeni, pakuti muce mungazwilizye ulendo wa kufikako.

Loma 15:13

Mwene Leza ali ntulo ya upaalilo, aleke muzange muye nu mutende cuze kupitila mu utailo winu munoli, pakuti upaalilo winu utwalilile kukula mu maka yakwe Mupasi Wamuzilo.

Loma 15:16

lyakuya muomvi wakwe Yesu Klistu uwa kuombela Akulukuwa. Nkatumikila wakwe simapepo pa kukosola Ilandwe Lisuma kufuma kuli Leza, pakuti Akulukuwa yangaya wa mpolelwa iyapokelelwa kuli Leza, apalamikwa kunoli mu maka yakwe Mupasi Wamuzilo.

1 Kolinto 2:4

Kuvwanga kwane nu kukosola kwane kwa kumuongola kutali ukwakulanga mano yane, lelo kwali ukwakulanga amaka yakwe Mupasi Wamuzilo.

1 Tesalonika 1:5

Pano lino twamuletile Ilandwe Lisuma, asi ku mazwi sile. Lelo nu ku maka nu kusininkizya kwa cumi caliko, kufuma kuli Mupasi Wamuzilo. Mwamanya vino twikalanga lino twali namwe. Cacitike pakuti tumwazwe.