Loma 15:13 - Amazwi Yakwe Leza 2013

¹³ Mwene Leza ali ntulo ya upaalilo, aleke muzange muye nu mutende cuze kupitila mu utailo winu munoli, pakuti upaalilo winu utwalilile kukula mu maka yakwe Mupasi Wamuzilo.

Loma 15:13 Referans Kwoze

Loma 12:12

Lekini upaalilo winu umuletele luzango. Tekini myenzo mu ntazi zinu, nga nu kupepa nsita zyonsi.

2 Kolinto 9:8

Nupya Leza akweti maka akumupeela kuluta pali vino mukulonda, kuti lyonsi kwene mukwate kulingana na vino mukulonda nga nu kuluta pali vivyo pakuti mwaomba mulimo uwa kwazwa yauze.

Loma 14:17

Mu Wene wakwe Leza cintu cikulu asi kulya nanti kumwa, lelo kucita vyawololoke, mutende nu luzango, vino vikapelwa na Mupasi Wamuzilo.

Galatiya 5:22

Lelo Mupasi Wamuzilo wene akatulenga kuti twatemwana, kuya nu luzango, mutende, kuteeka mwenzo, uluse, cikuku, kuya a cumi,

Loma 15:5

Leza, wino akatupeela maka akuteeka myenzo nu kukomeleka, amwazwe mwikale ni lango lyonga lino mukulondela mwata wakwe Klistu Yesu.

Yoane 14:1

Yesu anena alondezi yakwe ati, “Mutaleka myenzo inu yaaziwa. Tailini Leza, mutaile nani kwene.

Yoane 14:27

“Namusila mutende, mutende wane auno namupeela. Ntamupile mutende ndi vino amu nsi yakapela. Mutaleka myenzo inu yaaziwa, nanti kuvwa intete.

Ezaya 55:12

Icumi cumi mulafuma nu luzango, yalamutwala umulongo. Imyamba ni milundu vilapunda nu luzango apa nkolelo inu. Ni miti yonsi yamu mutengo ilakomela inkufi.

1 Petulo 1:8

Mwamutemwa nanti angala mutamulola, nupya ndakai musyamulola lelo mwamutaila. Lyene mukazanga, nga kusi mazwi angalondolola luzango lwinu lwa kutuulwa,

Ayebulai 6:11

Kulondesya kwitu kukulu ukwakuti cila muntu munomuli alinzile atwalilile kucita visuma kufika nu ku mpelelekezyo, kuti vino mukapaalila vikafikiliziwe.

1 Timoti 1:1

Kalata kufuma kuli ne Paulo, mutumwa wakwe Klistu Yesu, ne muno nasolwilwe na Leza, Katuula witu na Klistu Yesu wino tukapaalila.

Efeso 1:2

Cikuku nu mutende kufuma kuli Leza Tata nu Mwene witu Yesu Klistu viye kunomuli.

Yowelo 3:16

Yawe akululuma ku Zioni, ni zwi lyakwe likuvwika wa kupangalansya ukufuma mu Yelusalemu. Nga insi nu lwelele ivitenta. Lelo Yawe alaya cakuzinamo antu yakwe, ilinga lya kucingilila aina Izlaeli.

1 Tesalonika 1:5

Pano lino twamuletile Ilandwe Lisuma, asi ku mazwi sile. Lelo nu ku maka nu kusininkizya kwa cumi caliko, kufuma kuli Mupasi Wamuzilo. Mwamanya vino twikalanga lino twali namwe. Cacitike pakuti tumwazwe.

Yelemiya 14:8

Awewe sile wenga wemuno aina Izlaeli yakupaalila munuli. Awewe ukatutuula lino twacula. Uzye lyene pacani cino waya wa mwenyi umu mpanga, nanti wa mulendo akutuwilizya sile uwanda onga?

1 Kolinto 2:4

Kuvwanga kwane nu kukosola kwane kwa kumuongola kutali ukwakulanga mano yane, lelo kwali ukwakulanga amaka yakwe Mupasi Wamuzilo.

1 Samueli 1:18

Hana nawe aasuka ati, “Su ngala walu kunguvwila uluse.” Alino akatuka apita aya alya ivyakulya, nga lyene ata nu kuloleka uwa ulanda.

Loma 15:19

mu maka ya vinjelengwe ni vizungusyo, nga nu mu maka yakwe Mupasi Wamuzilo. Acino mukupita ulendo kufuma ku Yelusalemu kufika ku Ililikumu, nasalanganya Ilandwe Lisuma lya pali Yesu Klistu.