Loma 14:21 - Amazwi Yakwe Leza 2013

²¹ Cintu cisuma kucita ukuntalya inyama nu kuntamwa waini, nga nu kuntacita cili consi cingalenga munyonko ukwifya.

Loma 14:21 Referans Kwoze

1 Kolinto 8:13

Caleka, ndi cakulya cii cingalenga mwinane kupumika ale lyene ntalatala ndye inyama nupya, pakuti ntalenga mwinane apone.

Loma 14:13

Caleka lyene tute kupingulana. Lelo mu cifulo cakwe cii, tulinzile kuntacita cingalenga munyonko aponele mu kwifya.

Mateo 16:23

Lelo Yesu aseleuka, asinkola Petulo ati, “Fuma pano, Ciwa! Kunondi ukoline wa cisiki mu nzila, pano amelenganyo yako yatafumile kuli Leza, lelo auntunze.”

Malaki 2:8

Lelo mwemo mwafutatila inzila yane. Usambilizyo winu waponzya antu avule. Mwavuna upangano wane uno nacita namwe.

Umbwilo 2:14

Lelo nkuilizyanya pa vintu vimwi vinono. Munomuli mwaya yamwi akayela usambilizyo wakwe Balamu, wino uwasambilizye Balaki ivya kutungulula aina Izlaeli mu kwifya apa kuyaongola kuti yalya ivyakulya ivyapeelwanga ku tuluwi, nga na kuti yalongozya.

Ayebulai 12:13

Twalililini kupita umu nzila zyololoke, pakuti ingazo izikasinta zitalemala lelo zipoziwe.

Filipi 1:10

pakuti lyene mwamanya kusolola ivili visuma kuti mukazanwe asanguluke aula mulandu pa Wanda wa kwiza kwakwe Klistu.

Loma 14:17

Mu Wene wakwe Leza cintu cikulu asi kulya nanti kumwa, lelo kucita vyawololoke, mutende nu luzango, vino vikapelwa na Mupasi Wamuzilo.

Mateo 13:21

Lelo yasiingila nu kwika misisi mukasi ka myenzo yao, nupya yasyaikalilila. Caleka lino ucuzi nanti kuzunyiwa viiza pamulandu wa mazwi yakwe Leza lilyo kwene yanenuka.

1 Kolinto 8:9

Lelo mucenjele nu untungwa winu uo pa kucita vintu, pano ungaya cisiki cakuponya atonte asi nu utailo ukome.