Loma 14:12 - Amazwi Yakwe Leza 2013

¹² Acino wensi uwa munotuli alailongwela vyonsi kuli Leza.

Loma 14:12 Referans Kwoze

1 Petulo 4:5

Lelo yalalondolola kuli Leza wino waiteyanya kupingula antu aumi na afwe kwene.

Mateo 12:36

“Lyene namunena nati, pa wanda wa upinguzi cila muntu alalondolola mulandu uno wavwanzile mazwi auwelewele.

Mateo 16:27

Pano Mwana wa Muntu aliiza pali pamwi na angeli yakwe mu lulumbi lwakwe Isi. Lyene alalambula nanti kuvunuka cila muntu kulingana ni vicitwa vyakwe.

Galatiya 6:5

Pano umuntu wensi alinzile kuisendela cisendo cakwe umwisikulu.

Luka 16:2

Caleka aama kangalila amunena ati, ‘Icani cii, cino nkuuvwa pali wewe? Leta tuvwe ndole vyalembwa pamulandu wa wangalizi wako, pano nupya utangaya kangalila.’

Kasambilizya 11:9

Mwe ance, mwailyokezya mu wance winu. Mwasansamuka apa nsita ino mucili mwemwe yance. Mwacita vino imyenzo inu ikulonda na vino amanso inu yakukumbwa. Lelo mwaiusya ukuti Leza alamupingula pali vyonsi vino mukucita.

2 Kolinto 5:10

Pano swensi kwene tulimilila nkolelo yakwe Klistu, kuti atupingule. Cila muntu alapokelela viine ni milimo ino wacita muno nsi, iipe nanti isuma.