Loma 12:16 - Amazwi Yakwe Leza 2013

¹⁶ Mwasakamalana, mutaitumika lelo mwazumila ukuombela na antu yasilesile. Mutailola kuya a mano.

Loma 12:16 Referans Kwoze

1 Petulo 3:8

Mukumalila, mwensi kwene mulinzile kuya a mwenzo onga nu kuvwilana ulanda kuli kumwi. Mwatemwana wa ina ataila, mwauvwilana luse nu kufukilana.

Mapinda 3:7

Utaezya ukwelenganya ukuti wacenjela ukuluta pali vino waya, wemo uwakwatila Yawe icoopo, uwaleuka iviipe.

Ayebulai 13:5

Mwaikala umi uwa kuntatemwisya impiya, mwalola ukuti vino mukweti vyamukwana. Pano Leza wati, “Ntalatala imusye nanti kumutazyela.”

Ezaya 5:21

Kalanda kuno muli mwemuno mukailola ukuti mwakwata amano nu kuti mwacenjela wakwe cimwi!

Loma 15:5

Leza, wino akatupeela maka akuteeka myenzo nu kukomeleka, amwazwe mwikale ni lango lyonga lino mukulondela mwata wakwe Klistu Yesu.

Loma 12:3

Pamulandu wa wila uno Leza wampeela mu cikuku cakwe, nkumunena mwensi kuti mutaikuzya kuluta vino mwaya. Lelo muye atekele mu kwelenganya nu kuipima mweisikulu kulingana ni cipimo ca utailo uno Leza wapela cila muntu.

1 Kolinto 3:18

Muntu nanti umwi ataitumpika. Umwi uwa munomuli ndi akwelenganya vino uwa mano kulingana ni vintu vya muno nsi, nkolelo alinzile aye wa muwelewele, pakuti mucumi aye uwa mano.

2 Kolinto 13:11

Ndakai, inane, nkuti tukateni! Mupikintike kuya afumaluke. Uvwini kupapata kwane. Ezyini kuzumilizyanya nga nu kwikala mu mutende pakasi kinu. Leza ali ntulo ya kutemwa nu mutende, aye namwe.

Loma 11:25

Kuli nkama ya cumi, inane, ino nkasi mumanye kuti mutize mwaelenganya ukuti mwemwe yamano. Inkama iyakuti, ukukoma kwa myenzo ya ina Izlaeli kusi kwa manda pe, lelo kulatwalilila kufika pa nsita ino Akulukuwa yonsi asolwa iiza kuli Leza.

Luka 14:13

Lelo ndi wacita cimulo, ama apina, yakasinta, vilema, ni mpafu,

Mapinda 26:12

Uzye watala walola umuntu akaitunga ukuya uwa mano? Fwandi umu ciwelewele mwene calusya.

1 Kolinto 8:2

Wino wensi akaelenganya vino wamanya cimwi, mucumi wene atamanya ndi vino alinzile kumanya.

1 Kolinto 6:5

Cii ica nsonyi kunomuli! Cumi kwene, pakasi kinu palinzile kuya nanti umuntu umwi wenga uwa mano, wino angaputwila aina Klistu milandu.

Yelemiya 45:5

Lelo wemo we Baluki, uzye ukulonda ukuti nkucitilepo vimwi ivyakuzunguka? Ala utacivivula foo! Pasi pano nasya ndetele antu yonsi isyamo, lelo wemo ndapususya umi wako, ukuli konsi kuno ungalungama. Ivyalanda ne Yawe.”

Filipi 4:2

We, Yuodia na Sintinke, nkumupapata kuti mwauvwana pano mwemwe yamangu aina mu Mwene.

1 Kolinto 4:10

Pamulandu wakwe Klistu antu yakutulola wa viwelewele. Lelo mwemwe yamano muli Klistu! Swemo sweswe atonte, lelo mwemo mwemwe yakomeleke! Swemo twasulwa, lelo mwemo mwacindikwa.

Luka 6:20

Lyene Yesu acelecensya pa alondezi avwanga ati, “Alongo amwemwe mwe apina. Pano Uwene wakwe Leza uwa kwinu!

Mateo 26:11

Apina mukaya nao pe, lelo nemo mutalaya nani pe.

Mateo 11:5

Impafu zikulola, vilema vikupita, yakwe tembwe yakupoziwa, yacipuuli yakuuvwa. Afwe yakututululwa, ni Landwe Lisuma likukosolwa ku apina.

1 Petulo 5:3

Mutaezya kukulizya yao yano mukasunga, lelo muye cilangililo pakasi ki uvi.

Filipi 3:16

Nanti cingaya vivyo, lekini swemo twaya nkolelo kulingana nu utantiko uno twalondela kufika na ndakai.

Filipi 1:27

Acino cintu cicindame kuluta cakuti umi winu ulinzile kuya kulingana na vino Ilandwe lyakwe Klistu likalonda twacita. Kuti lino ndamutandalila nanti foo, ince nuvwe ukuti mwensi mwakwata kwelenganya kuli kumwi. Nupya ndamanya ukuti mukaombela pamwi nu kulwisya kuti nayauze yuvwe Ilandwe Lisuma.

1 Kolinto 1:10

Inane mwi zina lya Mwene witu Yesu Klistu nkumupapata mwensi, kuti, mwazumilizyanya muli vino mwalanda, pakuti kutaya kupaatukana munomuli. Muye alemane cuze a mwenzo onga na melenganyo ali yamwi.

Milimo 4:32

Iumba lya antu azumile lyali nu mwenzo onga ni lango lyonga. Kutali wakuti ati vintu vii ivyakwane nenga sile, lelo yonsi yankananga vintu vyao vyonsi.

Yelemiya 32:39

Ndayapeela umwenzo uze upya, ni mipitile yuze iipya apakuti yace yangopa, nga lyonsi cice cayazipila alio kwene na ana yao aalalondelela pacisila cao.

Mapinda 19:22

Ica muzewanya uku umuntu ukuya umupunuke, cazipa ukuya umulanda ukuluta ukuya uwantumpu.

Mapinda 19:17

Wiyo akasakamala umulanda ala wakongwesya Yawe, nga nawe alamulipa ivisuma pali vino wacisile.

Mapinda 19:7

Akazi ka muntu mulanda wene yonsi yakamupuuka, nga yacuza yakwe yene cilute, yakamuleuka. Nanti angayapapata uli yatange yamuvwe foo.

Yobo 36:5

“Ukuya kwene nanti Leza uwa maka, lelo kusi umuntu nanti umwi wino akasuula.

2 Milandu 30:12

Ikasa lyakwe Yawe lyali na pa antu aku Yuda, kuti aleke ukuti yonsi yakwate amapange na kampingu wa mpomvu umu kulondela iceo cakwe na mazwi ya malombwe yakwe.

3 Yoane 1:9

Nalemvile kalata mwipi kwi uvi. Lelo Diotilefe wino uwatemwa kuya intunguluzi yao wene atangasumba mano kuli vino nkulanda.

Loma 6:2

Awe citangaya! Ndi twafwa nu kufuma mu maifyo, uzye lyene tungatwalilila kwifya uli?

Mapinda 17:5

Akaseka umulanda, akasinkola uwa muumvile. Akasansamukila apisyamo, alavunukwa.

Mapinda 26:5

Uwaasuka iciwelewele ukulingana na muno uwelewele wakweco wayela, apakuti citaitunga ukuya icamano.

Loma 11:20

Cii ica cumi. Yene yaputwilwe pano yatataile. Lelo mwemo muli mu cifulo caiko pano mwataila. Acino mutaitumika pali cii. Lelo muye ni ntete.