Loma 12:11 - Amazwi Yakwe Leza 2013

¹¹ Mwaombesya pa kutumikila Mwene. Mutaya akasu Mwatumikila Mwene nu muzonda.

Loma 12:11 Referans Kwoze

Milimo 18:25

Muntu wii wasambiliziwe pamulandu wa nzila ya Mwene, nupya wali umukampuke mu kukosola ala akusambilizya ningo ivisinka vya pali Yesu. Lelo, nanti cali vivyo, wamanyile sile uluwatizyo lwakwe Yoane.

1 Petulo 4:8

Kuluta pali vyonsi, mutemwane nu mwenzo onsi, pano kutemwa kukalenga kwelelana maifyo aingi.

Mapinda 13:4

Umuntu umukasu akakumbwa ivya yauze ukwaula ukuvilola, lelo umuntu akaombesya wene akalonka.

Ayebulai 12:28

Lekini tutaizye Leza ndakai, pano twapokelela uwene uno utangatensiwa. Lekini twataizya nu kupepa Leza umu nzila ino ingamuzanzya nu mucinzi ni coopo kunoli.

Efeso 4:28

Muntu wino wiyanga alinzile kuta kwiya, nga atandike kuomba kwaula usomvi kuti azanilemo uwikazi nga nu kwankanya kweneko apina.

1 Petulo 1:22

Pano mwasangulula myenzo inu pa kuyela cumi. Ndakai mungatemwana wa ina ataila. Lelo mulinzile kutwalilila kutemwana nu mwenzo onsi.

Milimo 20:19

Natumikile Mwene mu ufuke nu mu ntazi, nanti angala Ayuda yandenzile kuvwa ulanda pa kumana kapi kuti yankome.

Mateo 24:12

Pamulandu wakuti antu yalaifya kuluta, kutemwa mu antu aingi kulacepa.

Mapinda 10:26

Ndi vino waini musasalume akauvwika umukanwa, avino ivyunsi vikauvwika umu manso, nupya ali vino umuntu mukasu waya kuli yano yakumutuma.

Mapinda 22:29

Ndi cakuti wemo walola penepo umuntu umwi umu cincile umu milimo, wiyo kwene ali wino alinzile ukuombela yamwene, asi wakuombela antu asilesile foo.

Mapinda 18:9

Umukasu apakuomba, amwina kamononye.

Kufuma 5:17

Lelo Falao ayaasuka ati, “Mutakulonda ukuomba, mwemwe yakasu. Cico kwene icikulenga kuti mwaiza kunondi nu kunganola kuti imuzumilizye ukupita nu kuyapeela impolelwa kuli Yawe.

1 Timoti 5:13

Nupya yakasumba insita zyao mu kuzeya ku ng'anda ni ng'anda. Lelo icaipisya kuluta cakuti yene yakucita ukwakwa ni cinduvyanya, yala yakulanda vintu vitalinzile kulandwa.

Ezaya 56:10

Wayamanga ala akuti, “Intunguluzi zyonsi izyaya nu mulimo wa kusoka antu yane zyene impafu zitupu. Zitamanya nanti cimwi, zyakolana sile wakwe yasimbwa yano yasiwata, yano yikalila sile ukulala utulo nu kulota iviloto. Pasi pakutemwa ukuinyunza pano yalambalile.

Umbwilo 2:4

Lelo nkuilizyanya pali cii, cakuti utantemwa ndi vino wantemilwe inkolelo.

Kolose 4:1

Mwe yasambazi, mutaya nu lufyengo ku yaomvi inu nupya muye acumi kunoyali. Mutailila ukuti namwe kwene mukweti musambazi mwiyulu.

1 Kolinto 7:22

Pano muzya wino Mwene waama wene muntungwa ku Mwene. Mu musango uli onga kwene muntu muntungwa wino Klistu waama wene muzya wakwe.

Mateo 25:26

“Mwene wakwe nawe amunena ati, ‘We muomvi mwipe nupya mukasu. Uzye fwandi wamanyile vino nkazombola pano ntakomile, nu kukolonganika pano ntasansansile?

Kasambilizya 9:10

Uwaombesya muli vyonsi vino ukucita, pano kuzimo kutalaya vicitwa, kutalaya amelenganyo, kutalaya kumanya, kutalaya amano, nga kuko akuno ukuya.

Yakobo 5:16

Caleka, lyene mwailongwela maifyo inu wenga nu muze, nu kupepelana kuti mupoziwe. Ipepo lya muntu wino akacita vyawololoke lyakwata maka cuze.

Mapinda 31:15

Akakatuka katondotondo apa kuteyanyizizya ang'anda yakwe ivyakulya, nu kwankanya aomvi yakwe incito.