Loma 11:25 - Amazwi Yakwe Leza 2013

²⁵ Kuli nkama ya cumi, inane, ino nkasi mumanye kuti mutize mwaelenganya ukuti mwemwe yamano. Inkama iyakuti, ukukoma kwa myenzo ya ina Izlaeli kusi kwa manda pe, lelo kulatwalilila kufika pa nsita ino Akulukuwa yonsi asolwa iiza kuli Leza.

Loma 11:25 Referans Kwoze

Luka 21:24

Yamwi yalakomwa ku mpaanga nu kusendwa mu uzya ku nko zyonsi, nga na Yelusalemu alalyatolwa na antu atataila Leza kufika lino kasita kao kalasila.

Loma 16:25

Ka twalumbanya Leza! Wene ali na maka yakumukomya mu utailo winu kulingana ni Landwe Lisuma lino nkakosola pamulandu wakwe Yesu Klistu nga nu kulingana nu kusokoloka kwa nkama ya cumi icali icifiswe kufuma ku mikulo yampiti na mpiti.

Loma 12:16

Mwasakamalana, mutaitumika lelo mwazumila ukuombela na antu yasilesile. Mutailola kuya a mano.

Umbwilo 10:7

Lelo lino mungeli uwalenga cinimbali alalizya ntandala yakwe, lyene Leza alafikilizya kuteyanya kwakwe ukwa nkama, ndi vino walavile kuli yakasema aomvi yakwe.”

Umbwilo 7:9

Pacisila cakwe cii nceleka nga ndola iumba likulu cuze. Kutali nanti wenga uwange apende antu onsi. Antu yaa yafumile mu nko zyonsi, mu mitundu yonsi ya antu, mu misango yonsi ya antu nu mu ndimi zyonsi. Yene yaimi nkolelo ya cilimba ca wene na pa manso ya Mwana wa mfwele, ala yazwite mingila itiswe nupya yalemile makambalala mu minwe yao.

Efeso 3:9

Nukuleka antu yalole vino kuteyanya kwankama yakwe kulaomba. Leza wino uwaumvile vintu vyonsi walondanga kuti nazwilizye cila muntu kumanya nkama yakwe ino wafisile ku antu amu mikulo yonsi yampiti.

Masamu 22:27

Antu amu nko zyonsi yalaiusya Yawe nu kuweluluka yalaweluluka kunoli. Ni misango ya antu yonsi yalamupepa.

Umbwilo 11:15

Nupya mungeli uwalenga cinimbali alizya ntandala yakwe, ngu mwiyulu muvwika mazwi akulu yati, “Ndakai akweti amaka akuteeka insi u Mwene witu na Katuula, nupya wene alateeka manda pe!”

2 Petulo 3:8

Lelo mwe yacuza akundwe, mutailila cintu conga! Kuli Leza wanda onga waya wa myaka izimbi, nga ni myaka izimbi yaya wa wanda onga.

1 Kolinto 10:1

Inane, nkulonda kumwiusya vintu vino vyacitikile vikolwe vitu vyonsi ivyalondelanga Mose. Vikolwe vitu vyonsi vyacingililwe ni kumbi, nga nu kupita mutende muli Yemba Muyenzu.

Loma 1:13

Mwe inane nkasi mumanye vino insita zingi nkapanga ukwiza mupempula. Lelo kuli cikandesya. Nkalonda kwiza zombola vizao vya ku Mupasi muli mwemwe wakwe vino nacita mu Akulukuwa yauze.

Oseya 14:9

Wiyo wino akweti amano auvwikisye ivintu vii. Wiyo wino angiluka, amanyikisye. Pano inzila zyakwe Yawe izya ololoke, nupya mukapita yayo akacita vyaololoke, lelo yacisanguka yakapumeka mwenemo.

Ezaya 5:21

Kalanda kuno muli mwemuno mukailola ukuti mwakwata amano nu kuti mwacenjela wakwe cimwi!

Masamu 72:17

Antu yangala yateezya yamwilila, nu lulumbi lwakwe lwalu kuyelelela wi lanzi. Antu ya mitundu nayo kayalumba umwene wa mpanga yao, yapapata na Leza ukuti ayapolelele, ndi vino wapolelile umwene wa mpanga yao.

1 Kolinto 12:1

Inane, nkulonda kuti mumanye cumi pamulandu wa mawila kufuma kuli Mupasi Wamuzilo.

Mapinda 26:16

Umuntu umukasu akaitunga ukuya umucenjele ukuluta napa antu cinimbali yano yangaasuka ningo lino yakwelenganya ivyamano.

Mapinda 26:12

Uzye watala walola umuntu akaitunga ukuya uwa mano? Fwandi umu ciwelewele mwene calusya.

Masamu 127:1

Yawe ndi cakuti aliwe asikukuula ing'anda, ala yakakuula yakwalangana sile. Yawe ndi cakuti asikulinda umusumba, ala yakalinda yakuicuzya sile.

Masamu 107:43

Uwa mano lekini asambilile cico, nu kwiluka kailuke apa kutemwa kwakwe Yawe ukwa muntaputuka.

Mateo 13:11

Yesu nawe aasuka ati, “Mwemo mwapelwa amano ya kumanya nkama zya Wene wa mwiyulu, lelo yene yatapelwa.

Yoane 10:16

Nkweti mfwele nazyuze zino zisi zyamu citata cii. Nazyo kwene namala nde nzilete. Ziluvwa izwi lyane nga zilaya ufyo onga nu mucemi wenga.

Loma 9:18

Caleka Leza akaya na mizu kuli wino akasi kuyela mizu, nga nu kukomya mwenzo wakwe wino akasi kukomya mwenzo.

Loma 11:12

Caleka kwifya nu kuposiwa kwa Ayuda ndi kwaleta muzano ku antu a mitundu yonsi ya pano nsi, lyene lino Ayuda yonsi asolwa yalayela Leza ale kupolelelwa kulavula.

Loma 11:24

Mwe Akulukuwa mukoline wa musambo wa muolivi uwamu mpanga uno waputulwa, nga lyene ulematikwa ku muolivi uwalemwa nu muntu. Ayuda nao yakoline wa muolivi uwalemwa nu muntu. Cili cangupale cuze kuti Leza alematike misambo ii iyaputulwa ku cimuti kuno yaputwilwe.

1 Kolinto 2:7

Mano yano nkukosola ankama ya mano yakwe Leza, yano afiswa ku mitundu ya antu onsi. Lino Leza atali aumbe insi ii, wene wateinye mano kwene yaa kuti yaye akutupela lulumbi.

1 Kolinto 4:1

Mwatulola wa yaomvi yakwe Klistu yano apelwa mulimo wakwangalila vya nkama vyakwe Leza.

Efeso 1:9

nga kupitila muli vino Klistu wacita, Leza watulanga mapange yakwe ankama.

Efeso 4:18

nupya myenzo yao yaya mu mfinzi. Yene yasikuma mu umi uno Leza akapela, pano yakomya imyenzo yao nupya yene atuutu.

Umbwilo 1:20

Kuu kuli kulondolola kwa nkama ya ntanda cinimbali zino walola mwi kasa lyane lilunji, nga ni vyakutekapo inyali cinimbali vyakwe zaabu. Ntanda cinimbali ali ntunguluzi zya mauvi cinimbali, nga ni vyakutekapo inyali cinimbali amauvi cinimbali.”