Loma 10:17 - Amazwi Yakwe Leza 2013

¹⁷ Acino umuntu akataila pa kuvwa Ilandwe, nga ni landwe nalyo likauvwika pa kukosola vya pali Klistu.

Loma 10:17 Referans Kwoze

Galatiya 3:2

Ningatemwa kumanya cintu conga kufuma kunomuli. Uzye mwapokelile Mupasi Wamuzilo pa kuyela Masunde nanti mukuuvwa nu kutaila Ilandwe?

Galatiya 3:5

Uzye Leza akamupeela Mupasi Wamuzilo nu kuomba vinjelengwe pakasi kinu pamulandu wakuti mukayela Masunde, nanti pamulandu wakuti muvwa nu kutaila Ilandwe?

1 Tesalonika 2:13

Nupya kuli mulandu nauze uno swemo tukataizya Leza lyonsi. Lino twamuletile mazwi yakwe Leza, mwemo mwayuvwile nu kuyapokelela, asi wa mazwi ya muntu lelo wa mazwi yakwe Leza, nu mucumi akwakwe. Ndakai Leza akuomba muno muli mwe muno mwataila.

Kolose 3:16

Lekini Ilandwe lyapali Klistu likale mu myenzo inu, mu ukama wi landwe mwasambilizyanya nu kutungululana na mano onsi. Mwaimbi nyimbo zya kulumbanya, ni zyamuzilo kuli Leza. Mwaimbila Leza ni ntaizyo mu myenzo inu.

Luka 11:28

Lelo Yesu amunena ati, “Alongo ayao akauvwa mazwi yakwe Leza nu kuyayela.”

Mako 4:24

Nupya ayanena ati, “Ikini amano pali vino mukuuvwa! Pano cilingilo cino mukalingila auzo acino namwe Leza alamulingila nu kuluta.

Luka 8:21

Yesu ayanena ati, “Mayo na ina yane ayao akuuvwa mazwi yakwe Leza nu kuyayela.”

Loma 1:16

Pano nsi na nsonyi zya pi Landwe Lisuma, pano ali maka yakwe Leza akutuula wino wensi wataila, nkolelo ku Ayuda, nga nu ku Akulukuwa.

Loma 10:14

Uzye lyene yangamulenga uli kuti ayazwe ndi yatamutaile? Uzye yangamutaila uli ndi yatuvwa ilandwe lya pali aliwe? Uzye yanguvwa uli ilandwe lya pali aliwe ndi kusi wakuti akosole?

1 Petulo 1:23

Citini cii pano Leza ali So uwamupeela umi upya pa kuyela ilandwe lyakwe lya umi upya lya manda pee.

Luka 8:11

“Mulumbe u ukusenula vii, imbezu izwi lyakwe Leza.

Umbwilo 1:9

Nene Yoane mwina winu, nupya mulondezi wakwe Yesu. Nkakuma pamwi namwe mu wene wakwe Leza nu kuposya mu macuzi. Nemo nasumvilwe pa cilila ca Patimosi pamulandu wa kukosola mazwi yakwe Leza nga ni cumi cino Yesu waumbwile.

2 Kolinto 2:17

Swemo tutakoline wa antu yauze aingi, yano yakaezya kuya akama kupitila mu kukosola ilandwe lyakwe Leza. Lelo pano twaya muli Klistu tuli wa nkombe zyakwe Leza, tukakosola mu cumi kulingana nu kulonda kwakwe.

Yobo 42:5

Mpiti nakumanyile ukupitila muli vino nuvwanga kuli yauze. Ilelo lyene, awe nakulola na manso yane ntontonto!

Ayebulai 4:2

Pano naswe kwene tuvwa Ilandwe Lisuma ndi vino yene yuvwile. Yene yuvwile landwe lelo litayacitile visuma vimwi, pamulandu wakuti lino yuvwile yatalipokelile nu utailo.

Yoane 1:37

Lyene lino alondezi oili yuvwa Yoane wavwanga cii, yalondela Yesu.