Loma 1:20 - Amazwi Yakwe Leza 2013

²⁰ Pano kufuma lino Leza waumvile insi maka ya u Leza wakwe nanti yatangaloleka ningo mu manso itu, lelo yakaloleka mu vintu vino wacita. Caleka antu yatange yalole pa kukanila.

Loma 1:20 Referans Kwoze

Loma 1:19

Leza akayavunuka pano vino antu yangamanya pali aliwe, Leza umwisikulu wavilanga kunoyali mu musango uno yangamanya ningo.

Ezaya 40:26

Tumpulini amanso mucelecensye! Aweni wino wapanzile intanda zino mukulola? Ala awiyo wino wazitantamike imilongo, ungati iumpa lya vita. Ali wino wazimanya zyonsi, pano zyapela nu kuzyama akazyama amazina pano zyapela. Wakwatisya amaka icakuti pataya nanti longa luno lusyamuyela.

Masamu 8:3

Nemo nkati nga nalolekesya iyulu, lino wacita, intanda nu mwezi vino wika mwenemo,

Loma 2:15

Pano micitile yao ikulanga ukuti vino Masunde yakataka ivyalembwa mu myenzo yao. Ni myenzo yao kwene ikasininkizya ukuti vino Masunde yataka ivya cumi, pano limwi melenganyo yao yakayavunuka limwi yakayazumilizya mu kuluvyanya kwao.

Yoane 1:18

Pasi umuntu watala alola Leza. Suka Mwana wenga sile wino wikala pamwi ni Isi. Mwana kwene uwiza wamusokolola.

Yoane 15:22

Ndi ntizile mvwange kunoyali, nga yasi nu mulandu wa kwifya. Lelo ndakai kusi kuno yangaleukila pa maifyo yao.

1 Timoti 1:17

Ndakai ku Mwene wape, wino asyafwa, asyaloleka, Leza wenga sile, kuye lulumbi nu ukulu, manda pe, Ameni.

Kolose 2:9

Mwata wakwe Leza onsi waya muli Klistu, mu untu wakwe,

Masamu 139:13

Awewe wapanzile imfyo zyane, wewe wampikolizye umunda muli mayo.

Masamu 119:90

Ukutailwa kwako kukatwalilila mpaka mu nkulo zyonsi. Watungilila insi, nga yene yasyalilila vivi kwene.

Masamu 104:5

Wasimpisya insi ndi, isi yakutelengana foo.

Ayebulai 9:14

Endi, vino cii ica cumi, uwazi wakwe Klistu ulaomba vikulu kuluta. Mu Mupasi wape, wene waipile kuli Leza wa mpolelwa yaula ndema. Wazi ukaswefya myenzo itu kufuma ku malamulo aciwelewele pakuti twatumikila Leza.

Loma 2:1

We muntu we muno ukapingula auzo, utangaleuka mulandu. Pano ndu kupingula auzo lino nawe ukacita viipe ala nawe ukuivunuka wemwisikulu.

Malango 4:19

Mutakezye ukutunkwa ukupepa nu kutumikila vino mukalola umwiyulu, ivili wi lanzi, umwezi, ni ntanda. Yawe Leza winu wapeela vii ku antu yauze yonsi kuti yavipepa.

Kolose 1:15

Klistu unkolanya wakwe Leza wino atangaloleka. Wene ali yeli lyakwe nupya alusile viumbwa vyonsi.

Yelemiya 5:21

sumbiniko amano, mwe antu atumpe nupya aulwa amano, mwemuno mwakwata amanso, lelo musilola nupya mwakwata amatwi, lelo mwemo musiuvwa.

Ezaya 26:4

Mwataila muli Yawe insita zyonsi, pano aliwe akamutuula insita zyonsi.

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Masamu 104:31

Yawe umucindami, kalukuyelelela pee! Yawe kalukuzanga pali vino wacita!

1 Timoti 6:16

Aliwe wenga sile asyafwa. Wene akaikala mu luswepo luno kusi nanti umwi angapalamako. Kusi nanti umwi uwatala walola Leza. Kusi nanti umwi angamulola. Kunoli kupelwe mucinzi nu utesi wape! Ameni.

Loma 16:26

Lelo ndakai cumi cico casokololwa apaswe muli vino yakasema yalemvile. Lyene Leza, uwa manda pe nawe wapela ilamulo kuti nkama imanyikwe ku nko zyonsi pakuti antu yonsi yataile nu kuyela.

Milimo 17:29

“Caleka pano sweswe ana yakwe Leza, tutaelenganya vino umwata wakwe Leza ukoline wa ciluwi cakwe zaabu nanti cakwe siluva nanti iwe, icapangwa nu muntu umulamoke.

Masamu 90:2

Lino imyamba itacili ipangwe ni nsi yonsi itacili iyeko, wemo we Leza akuno wali, nupya ulayelelela.

Malango 33:27

Leza aliwe waya akacingilila winu mu nsita zyonsi. Akamufukatila ningo mu makasa yakwe. Wene wazinganga anisi inu lino mwemo mukuya pa nkolelo, nga amunena ukuti muyonone yonsi pyu.

Ayebulai 11:27

Utailo uwalenzile kuti Mose afume mu Eguputo kwaula koopa ukali wakwe kateeka. Wene wakanyile kuswilila pano cali kwati waweni Leza wino asyaloleka.

Mateo 5:45

pakuti muye ana yakwe So uwa mwiyulu. Pano wene akawazya ilanzi pa antu asuma na pa aipe kwene. Akatuma imvula pa antu aololoke na pali yao asi aololoke.

Utandiko 21:33

Nga Abulaamu alema umuti wa tamalisiki pa Belisyeba, nu kupepa Yawe Leza, wape nape.

Milimo 22:1

“Inane na yatata, uvwini kunondi lino inkuivwangila kunomuli!”

Utandiko 1:1

Pa kutandika Leza waumvile iyulu ni nsi.

Yobo 12:7

“Ale kuuzye inyama ni vyunyi, vyaya kupanda amano.

Yelemiya 51:15

Yawe aliwe waumba insi uku maka yakwe. Aliwe kwene wasimpa impanga yonsi uku mano yakwe, nu kwanza amayulu ku kucenjela sile kwakwe.

Mako 10:6

Lelo pa utandiko wa uumbo, Leza wayaumvile umonsi nu mwanaci.

1 Kolinto 1:20

Caleka, uzye lyene yalikwi antu yamano? Nanti nkonkotela zyakwe yakasambilizya ya Masunde? Nanti yao akaitumika mu kwasuka mauzyo ya muno nsi? Leza walanga vino mano amuno nsi yene uwelewele!